Karaguatay
Vikipetãmegua
| Karaguatay Caraguatay |
||
|---|---|---|
| Tetã |  Paraguái |
|
| Tetãvore | Cordillera | |
| Távayguakuéra | 13.965 ava | |
| Ape távagui | 91 km² | |
| ISO | ||
| Yvatekue | 71 m | |
| Koordinasion | ||
Karaguatay distrito ha tenda tetãvore Cordillera, Paraguaigua.
Tembikuaa'aty rechaukaha |
(jehaijey) Ararova
Ko departamento Cordillera pe ndahaku ha naho’ysãitéi. 22ºC rupi memeve haku; arahaku aja ohupyty 39 grado ha araro’y aja katu ho’ysãvéramo oguejy 3ºC peve.
(jehaijey) Demografía
Karaguataýpe oiko 13.965 tapicha rupi; umíva apytégui 7.288 kuimba’e ha 6.677 kuña, he’iháicha Dirección General de Estadísticas, Encuestas y Censos.
Heta Kuruguatygua oje’ói EE.UU.-pe omba’apo hag̃ua ha ogueruka viru hogayguakuérape; óga omopu’ãkáva hikuái ohechauka mba’éichapa oiporu iviru itávape.
(jehaijey) Hekoasa
Oñefunda 24 jasyporundy 1770-pe; péva ojapo España-yguakuéra Franco, Carlos Morphi omotenonde aja Paraguái Retã, río Yaguy rembe’ýpe. Ko táva ñepyrũrã ojeherova’ekue Puesto Mbokajaty, ha opyta hyepýpe Iriarte, Yvyra’ity ha Yeguarizo.
Ko táva oĩ umi itujavéva Paraguáipe ryepýpe. Oreko arquitectura colonial neporãva, ijyvoty ha hape oñeñangareko porãva.
Ag̃uiete pe tavaitégui opyta “Museo Vapor Cué”, oĩhápe ygarata oñenohẽva’ekue río Yhaguýgui: Apa, Ypoa, Piraveve ha Amambay, imboguatahakuéra omyendyva’ekue ani hag̃ua opyta enemigo-kuéra pópe
(jehaijey) Ekonomia
Umi oikóva ko távape omba’apove kokuépe ha avei mymba ñemongakuaápe.
(jehaijey) Turismo
24 jasyporundy, ojegueromandu’a jave fundación ára, ho’áva avei Virgen de las Mercedes, táva ñangarekoha árape, ojejapo aty mburuvichakuéra ndive, ñembo’e, mbo’ehaokuéra jejotopa, ha avei festival ha baile social.
Miranda-kuéra rógape opytava’ekue mbohupáramo Mcal. López ha Madame Lynch oho mboyve San Estanislao-pe.
Ykua Ramírez ojeporuva’ekue tropa paraguaya campamento-ramo Guerra del 70 aja.
Vapor Cué peteĩ museo oĩva okápe, ag̃ui río Yguýgui, oĩhápe pokõi ygarata flota armada paraguaya mba’ekue ojeporuva’ekue pe Ñorairõme. Ojehecha avei tembipuru kuarepotiguigua, temibopu ñorairõ árape guare, poyvy ha avei foto.
Hotel Vapor Cué omba’apo ha oñangareko porãitemi restaurante-pe.
Ko tavusúpe ojegueromandu’a, 14 jasypo San Francisco Labrador ára ha 24 jasyporundy Virgen de las Mercedes ára, táva ñangarekoha.
(jehaijey) Mba’éichapa oñeg̃uahẽkuaa
Opyta 91 km Paraguaýgui Ruta 2 rupi. Eusebio Ayala tavaitépe, 65 km Paraguaýgui, ojehova’erã tape heñóiva pépe, yvate gotyo, oporogueraháva Karaguatay ha ambue táva ijerereguápe.
Terminal de ómnibus Paraguaypegua guive oĩ mba’yruguata osẽva heta jey peteĩ árape, oporogueraháva Karaguataýpe. Eusebio Ayala guive arakue oĩ manterei mba’yruguata oho ha oúva ko távape.
(jehaijey) Tapicha ojekuavéva upepegua
Mbohapy tetã rekuái heñoiva’akue Karaguataýpe:
- Juan Antonio Escurra (1859 – 1919)
- Emiliano González Navero (1861 – 1940)
- José Félix Estigarribia (1888 - 1940)
Ambueve táva memby ha’ehína:
- Comandante Lara, Héroe de la Guerra del 70
- Quemil Yambay
- Gregorio y Cirilo Ortega
- Pablo Barrios
- Francisco Miranda
(jehaijey) Referencias
- Geografía Ilustrada del Paraguay, Distribuidora Arami SRL; 2007. ISBN 99925-68-04-6
- Geografía del Paraguay, Primera Edición 1999, Editorial Hispana Paraguay SRL
