Ita (táva)
Vikipetãmegua
| Ita Itá |
||
|---|---|---|
| Tetã |  Paraguái |
|
| Tetãvore | Central | |
| Távayguakuéra | 50.391 ava | |
| Ape távagui | 190 km² | |
| ISO | PY-11 | |
| Yvatekue | 101 m | |
| Koordinasion | ||
Ita tavusu Paraguaigua, opytáva Departamento Central-pe, 37 km Paraguaýgui.
Tembikuaa'aty rechaukaha |
(jehaijey) Héra tee
Héra he’ise “piedra”, guarani ñe'ẽme, ojekuaa avei chupe "Capital de la Cerámica" ramo.
(jehaijey) Yvykuaa
(jehaijey) Ararova
Arahaku aja ko távape ára haku og̃uahẽ 40 Cº grado peve, jeyvérõ hakuve pévagui. Araro’y aja oguejy 0 grado peve. Departamento Central-pe arahaku hi’are 22 grado rupi. Ita opyta peteĩva umi departamento okyvehápe jasyteĩ guive jasyrundy peve ha sa’ihápe oky jasypoteĩ guive jasyrundy peve.
(jehaijey) Demografía
Itápe oiko 50.391 tapicha; umíva apytégui 25.368 kuimba’e ha 25.023 kuña. Péicha he’i Censo 2002-pe guare. Tavaitépe oiko 17.469 ha okahápe katu 32.922.
(jehaijey) Hekoasakue
Ofunda 1539-pe Gobernador Domingo Martínez de Irala, upérõ oiko pype ypykuéra guarani. Oiko chugui distrito 1884-pe.
(jehaijey) Ekonomia
Tapichakuéra oikóva Itápe omba’apo kokuépe ha avei alfarería-pe, kóva ojekuaa oiporúre ñai’ũ hũ ojejapo hag̃ua umi ta’anga.
(jehaijey) Mba’yruguata
Itá opyta 37 kilómetro Paraguaýgui, Ruta I Mcal. Francisco Solano López rupi.
Itá guive, peteĩ tape hũ osẽva Ruta I gui rupi, ikatu oñeg̃uahẽ Itauguápe, ha Acceso Sur rupi katu Guarambarépe.
(jehaijey) Turismo
Ko távape opyta peteĩva Reducciones Franciscanas tuichavéva. Tapicha Itagua omombarete gueteri umi teko: ojapo artesanía ñai’ũgui ha avei ajaka.
Centro Artesanal San Blas-pe, opytáva Ruta I ykére Ita tavaitépe, ojehechauka ha ojehepyme’ẽ akói árante cerámica guaraní-hispánica, kambuchi, ahoja, ha ambuete tembiapokue neporãva.
Tapichakuéra ko tavaygua avei omba’apo mitã kuña membygua’u aoguigua apópe.
Yno’õ Itá, "Mártires de Acosta Ñú" máramo ndahypáiva ha’e tenda jehecharamomby.
Cerro Arrua´ípe opyta peteĩ itakua ha avei tenda ojejahu hag̃ua Ysyry Paranambu ári.
Tupão San Blas avei peteĩ tupão Franciscano-kuéra omopu’ãva’ekue yma 1698-pe; kóva peteĩ mba’e porã yma guare ojeguerekóva gueteri.
(jehaijey) Tapicha upepegua ojekuaavéva
Kuñakarai cerámica apoha Rosa Brítez, tapicha ojeguerovu’ỹva, ko tavayagua. Hembiapokuéra rupi ojerereko chupe “Ceramista de América” ramo.
Cerámica apoha ña Juana ha ña Julia Isidrez avei ojekuaa mombyry, ha hembiapokue rupi oñeme’ẽ chupekuéra jehechakuaa Premio Holandés "Príncipe Klaus".
(jehaijey) Referencias
- Geografía Ilustrada del Paraguay, Distribuidora Arami SRL; 2007. ISBN 99925-68-04-6
- Geografía del Paraguay, Primera Edición 1999, Editorial Hispana Paraguay SRL.
