Ayolas
Vikipetãmegua
| Ajólas Ayolas |
||
|---|---|---|
| Tetã |  Paraguái |
|
| Tetãvore | Misiones | |
| Távayguakuéra | 16.921 ava | |
| Ape távagui | 1060 km² | |
| ISO | ||
| Yvatekue | 45 m | |
| Koordinasion | ||
Ayolas tenda Paraguaigua opytáva Misiones departamento-pe, ojekuaava’ekue "Corateí" ha "San José mi" ramo.
Tembikuaa'aty rechaukaha |
(jehaijey) Héra tee
Ko táva oñembohéra péicha ojegueromandu’aháramo Juan de Ayolas-pe, Pedro de Mendoza pytyvõha , ofundava’ekue Puerto la Candelaria, táva ko’ág̃a hérava Fuerte Olimpo, ysyry Paraguay ári. Oje’e ypykuéra Chakoygua ojuka hague chupe, okañyete rupi avave oikuaave’ỹme chugui mba’eve.
(jehaijey) Yvykuaa
Ayolas opyta yvy gotyo tetãpýpe, ag̃ui táva Santiago de Misiones, San Juan Bautista ha San Ignacio-gui. Ha’e peteĩ táva hetahápe pirakutuha, opytáva 310 km Paraguaýgui, ysyry Parana rembe’ýpe.
(jehaijey) Ararova
Arahakúpe hakukue og̃uahẽ 39 ºC, araro’y aja katu ho’ysãkue ohupyty 0 ºC. Ary pukukue oñemombytéramo hakukue 21 ºC rupi.
(jehaijey) Demografía
Ayolas-pe oiko 15.219 tapicha; umíva apytégui 7.749 kuimba’e ha 7.470 kuña. Okaháre oĩ 10.851 tapicha ha pe tavaitépe katu, 4.368; péicha jahecha ko táva oĩha irundyhápe tapicha retakuépe pe departamento-pe, San Ignacio, San Juan Bautista ha Santa Rosa rire.
(jehaijey) Hekoasakue
Táva “Ayolas” ofunda 1840 karai Patricio Aquino, José Gaspar Rodríguez de Francia ojerure rupi chupe.
Ayolas-pe opyta Entidad Binacional Yacyretã. Kóva oñemopu’ã aja oñemohenda pe táva ikatu hag̃uáicha mba’apoharakuéra hóga “Mil Viviendas” ha “Villa Permanente”.
Ko distrito ojekuaa mombyry “Fiesta Nacional del Dorado” rupi.
(jehaijey) Ekonomia
Ajolas-guakuéra omba’apo mymba ñemongakuaa ha mba’e jehepyme’ẽme; avei pirakutúpe.
(jehaijey) Mba’éichapa oñeg̃uahẽkuaa upépe
Ayolas-pe oñeg̃uahẽ peteĩ ruta hũ osẽva Ruta I “Mcal. Francisco Solano López”-gui, Santiago rire.
(jehaijey) Turismo
Ko távagui ag̃uiete opyta represa hidroeléctrica de Yacyretã, "país de la luna" hi’ag̃ui rupi opyta peteĩ ypa’ũ tekoha ndaijojaháiva Paraguáipe. Ojekuaave ka’aguy Arary ha heta yvyku’i ypererĩ ári ojepysóva. Ko represa ome’ẽ tembiapo heta tapichápe ko távaygua ha avei ijerereguápe; pévakuri paraguaigua ha argentina-gua rembiapokue.
Ayolas-pe oĩ peteĩ Museo Arqueológico orekóva heta mba’e ojejuhuva’ekue upe jere rehe, umíva apytépe oĩ urna funeraria ypykuéra upe rupiguare mba’ekue ha avei ojehechaukahápe mymba ha ka’avo uperupigua.
Ayolas táva iporãitereíntema pirakutuharakuérape g̃uarã, oĩ rupi hi’ysyrýpe pira neporãva vóga, piraju, suruvi ha ambue pira uperupigua. Playa Corateĩ y San Josemíme hetaitemi tapicha oho ohasa arahaku aja.
Tupão San Josemíme oĩ peteĩ Tupãsy Maria henyhẽva kapi’ígui, oúva yma jesuita-kuéra tiémpoguima.
Jasyporundýpe oñembosako’i Festival del Arary, ojajapóva Teatro de las Mil Viviendas-pe, ohohápe ohechauka ikatupyry artista Paraguái ha Argentina-gua.
18 km Villa Permanente-gui, opytáva Ayolas-pe, ojejuhu peteĩ yvy guasu orekóva 100 hectárea, oĩhápe mymba opaichagua oikove ha ikatuhápe oñemoña hikuái; péva héra Refugio de Atinguy. Ko tenda mymbakuéra oñemo’ãháre oñangareko Entidad Binacional Yacyretã 1982 guive. Oĩ tapicha oisãmbyhýva umi tape po’i rehe mbohupa ohóvape. Umi mymba upe jere rehe guare oñemo’ã ha oñeñongatu ikatu hag̃uáicha ojekuaauka ha oñemboguata programa oñemoñaña mbotávo péicha sãso’ỹme mymba omamombakuaáva.
(jehaijey) Referencias
- Geografía Ilustrada del Paraguay, Distribuidora Arami SRL; 2007. ISBN 99925-68-04-6
- Geografía del Paraguay, Primera Edición 1999, Editorial Hispana Paraguay SRL
