نوروز ِ بل
از Wikipedia
گالشی تازه سالِ جشن ايسه کی نوروز ما اوّل برگوزار بونه و کوهِ مئن، غروب‌دمیْ، يه‌ته تپه سر، يه‌ته پيله تش واگيرانئن و هو تشِ بله گونن نوروزی بل يا نوروزی ول و هونِ دؤر جومأ بونن و شادی کؤنن و شيرينی پخشأ کونن و تازه ساله تبريک گونن.
وختی، گالشی تقويم ِ مئن، نوروز ما بونه، نوروز ما اوّل روز ِ مئن، ساله تازه کؤنن و جشن گينن.
ايتؤ دابه کی نوروزما اوول ِ پيش شؤ (اسفندار ما 30) تش واگيرؤنئن و اونه دخانن: نؤروز ِ بل. بازون، تش ِ دؤر جومأ بونن و ايتؤ خانن:
گُروم، گُروم، گُروم بل / نؤروزما و نؤروزبل
نؤسال بون سال ِ سو / نؤ بدی، خؤنه واشو
نؤزا و بود و وابو / امه روزی‌ئره واشو
گيلان ِ مئن، هر زمت کی تش رؤشنأ کونن، پيله نؤروز ِ بل ِ ياد ِ واسی، اونه گونن «نؤروزبلِیْ» (کوچتای نؤروز ِ بل).
