Vila Real
Na Galipedia, a wikipedia en galego.
Vila Real é unha cidade portuguesa, capital do Distrito de Vila Real, na Rexión Norte e subrexión do Douro, con cerca de 19.000 habitantes (37.000 no seu perímetro urbano). Sitúase nun planalto cercado por varias montañas, de onde se destacan a serra do Marão e a do Alvão. Encóntrase a cerca de 460 metros de altitude, estando a cidade vella situada nun promontorio, delimitado polos ríos Corgo e Cabril.
É sede dun municipio con 377,67 km² de área e 49.957 habitantes (2001), subdividido en 30 freguesías. O municipio esta limitado ao Norte polos concellos de Ribeira de Pena e de Vila Pouca de Aguiar, ao Leste por Sabrosa, ao Sur polo Peso da Régua, a Sudoeste por Santa Marta de Penaguião, a Oeste por Amarante e a Noroeste por Mondim de Basto.
Vila Real é tamén a sede da Universidade dos Tras-os-Montes.
