Tony Wilson
Na Galipedia, a wikipedia en galego.
Anthony Howard Wilson (20 de febreiro de 1950 – † 10 de agosto de 2007) foi un empresario inglés, presentador de programas musicais, fundador do selo musical Factory Records, desde onde lanzou grupos como Joy Division, New Order ou Happy Mondays.
Graduouse no 1971, e axiña comezou de reporteiro para a ITN, antes de volver a Manchester en 1973, cando se asegurou un posto en Granada Television. Presentou o programa cultural, musical e de divulgación So It Goes, onde falou do mítico concerto que deran os Sex Pistols no Manchester Lesser Free Trade Hall o 4 de xuño 1976, o que asisitiran entre 35 e 40 persoas, e que serviu ós membros de Joy Division para formar a banda. Nos 80 Wilson dirixiu The Other Side of Midnight, outro programa semanal de Granada TV de cultura, música, literatura e arte en xeral. O seu programa dos domingos foi un dos primeiros experimentos da televisión nas late-night das fins de semana.
Abriu o clube The Factory, que deu pé á fundación de Factory Records, para dar saída ás bandas que tocaban alí. Posteriormente dirixiu o mítico clube nocturno The Haçienda en 1982.
É un dos principais catalizadores do son Madchester de finais dos 80 e comezos dos 90.
En 2002, o británico Michael Winterbottom dirixiu 24 Hour Party People, película que amosaba en forma de falso documental a historia de Factory Records, vista desde os ollos de Wilson, recreado polo actor Steve Coogan.
Na película Control (2006), un biopic de Ian Curtis, é interpretado por Craig Parkinson.
Faleceu o 10 de agosto de 2007 dun ataque ó corazón no Hospital Christie de Manchester con 57 años, debido a complicacións do cancro de ril que sufría.
