Temotu
Na Galipedia, a wikipedia en galego.
Temotu é a provincia máis oriental das Illas Salomón. Antigamente chamábase provincia das illas Santa Cruz. Consiste en dúas cadeas de illas que van en paralelo unha da outra desde o noroeste ao sueste.
As illas ou grupos de illas que comprenden a provincia son:
- Anuta
- Fatutaka
- Illas Duff (Taumako)
- Illas Santa Cruz
- Illas Reef
- Tikopia
- Tinakula
Os habitantes da illa Santa Cruz son predominantemente melanesios, aínda que existen tres grupos de nativos papuanos nas illas Santa Cruz e Reef, mentres que os habitantes de Tikopia, Anuta, illas Duff e algúns das illas Reef son polinesios.
A capital provincial é Lata, na illa de Nendo, a maior e máis importante das illas Santa Cruz.