Suger de Saint-Denis

Na Galipedia, a wikipedia en galego.

Suger foi un eclesiástico e estadista francés, nado en Chennevières-lès-Louvres en 1080 ou 1081 e morto en Saint-Denis o 13 de xaneiro de 1151.

Índice 1 Biografía 2 Pensamento político 3 Constructor da basílica gótica 4 Bibliografía 5 Véxase tamén

[editar] Biografía

Membro dunha familia de servos, tivo o privilexio durante a súa infancia de acompañar o rei Luís VI nunha súa visita á abadía de Saint-Denis, na que ingresou cando tiña arredor de dez anos de idade. Logo de estudar no presbiterio de Estrées entre 1094 e 1104, para facerse monxe, voltou para a abadía de Saint-Denis, da que se convertiría abade de 1122 até 1151.

Gozando da total confianza de Luís VI, xogou un importante papel xunto el, próximo ao que hoxe denominaríamos un primeiro ministro: encarregado de misións diplomáticas no estranxeiro; conselleiro, nomeadamente para asuntos militares; foi el quen levou a Luís VII, fillo do rei e logo rei, xunto súa futura esposa, Eleonor de Aquitania, en 1137.

Suger converteuse en rexente da Francia, entre 1147 e 1149 cando Luís VII partiu para a segunda cruzada. A súa volta, o rei proclamouno "Pai da Patria". Mais cando Luís VII suxire a idea de facer anular o seu matrimonio con Eleonor, Suger comprende o perigo e as consecuencias dun acto tal, tentando entón disuadir ao monarca. Só despois da morte de Suger, Luís VII leva a cabo a súa idea.

A súa tumba foi profanada, durante a Revolución, en 1793.

[editar] Pensamento político

Suger actúa para reforzar la autoridade do rei francés, axudando ao monarca a conceder dereitos aos burgueses. O Capeto debe combater constantemente os señores rebeldes non interior do seu dominio, e malamente fai recoñecer o seu poder directo, a pesar dos seus feudos. Suger coloca teoricamente o rei na cimeira da pirámide vasalática. Ten xa unha "certa idea da nación", xa que escribe: «Non é nin xusto, nin natural que a Inglaterra estea submetida aos franceses ou que a Francia o estea aos ingleses». Figura tamén entre os fundadores das grandes crónicas de Francia, que constitúen a historia oficial da monarquía, pois redactou o primeiro volume consagrado a Luís VI.

[editar] Constructor da basílica gótica

Abade de Saint-Denis, Suger reempraza a antiga igrexa en ruínas, construída por Dagoberto cinco séculos atrás, pola actual basílica, que se beneficia dunha época de innovacións técnicas na construción, sendo o punto de partida do que, moito máis tarde, se denominará estilo gótico. Este templo permanece como un dos símbolos da monarquía francesa, á par que foi o moimento sepulcral secular dos reis de Franza.

[editar] Bibliografía

• Erwin Panofsky, «L’abbé Suger de Saint-Denis», in Architecture Gothique et pensée scolastique, tradución e epílogo de Pierre Bourdieu. Paris. Éditions de Minuit, coll. «Le sens commun». 1967, pp. 7-65 ( tradución portuguesa O Abade Suger de S. Denis, in Significado das Artes Visuais, 3).

• M. Bur, Suger, abbé de Saint-Denis, régent de France, Perrin. 1991.

[editar] Véxase tamén

• Teoloxía da Luz
• Basílica de Saint-Denis