Río Deza
Na Galipedia, a wikipedia en galego.
O río Deza é un afluente do río Ulla pola esquerda. O seu nacente principal está nas proximidades de Candosa e conta con outro secundario nos Montes do Testeiro, na parroquia de Zobra (Lalín), ao se xuntaren dous regueiros, o da Candosa máis o do Tasdomonte. Ten un percorrido de 51 Km e presenta unha conca de 551 km2. O caudal absoluto achegado na súa desembocadura é de 18,6 m3/s.