Píntega común
Na Galipedia, a wikipedia en galego.
A píntega común (Salamandra salamandra) é un anfibio urodelo común en Europa con preferencia por hábitats acuáticos de media e alta montaña, ecolóxicamente pouco alterados. Normalmente sae do seu escondrixo cando o tempo é frío e húmido. Adoita ser vista nos camiños, as veces agóchase baixo as pedras. A súa lonxitude é de 20 cm como máximo.
É doado recoñece-las pola cor da súa pel, negra con pintas amarelas. Para evitar ser atacada por outros animais, a súa pel conten pequenas cantidades de sustancias tóxicas.
A píntega común ten unha subespecie de seu en Galicia, esta é a Salamandra salamandra gallaica.