O hobbit
Na Galipedia, a wikipedia en galego.
| O hobbit | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
|
|
||||||||||||||||||
|
O Hobbit, conto longo de J. R. R. Tolkien, foi publicado o 21 de setembro de 1937. Iniciado entre os anos 1930 e 1931, esta obra de corte infantil, é a primeira que sae á luz pública onde Tolkien explora o universo mitolóxico da Terra Media que máis tarde definirán O Señor dos Aneis e O Silmarillion, perfilándose algúns dos personaxes que logo participarán de forma moi activa en O Señor dos Aneis, como Gandalf ou Bilbo.
Índice |
[editar] Argumento
A historia sitúase cronoloxicamente no ano 2941 da TI, poucas decenas de anos antes das aventuras d' O Señor dos Aneis. Narra a viaxe dun hobbit chamado Bilbo Bulseiro (tío de Frodo, un dos protagonistas principais d' O Señor dos Aneis), ó que non lle gustan as aventuras, á Montaña Solitaria en busca do tesouro roubado polo dragón Smaug anos atrás. Todo comeza un inesperado día no que Bilbo recibe a visita de Gandalf o Gris xunto con 13 ananos, entre os que se atopa Thorin Escudo de Carballo, descendente dos propietarios do tesouro roubado. Algúns dos feitos narrados n' O Hobbit influirán nos acontecementos posteriores d' O Señor dos Aneis, como o achádego do Anel, que estaba en mans da criatura Gollum, e o seu traslado á Comarca.
[editar] Análise
Se ben a análise da obra leva invariablemente á confrontación coa súa "irmá maior", O Señor dos Aneis, non é posible facer unha comparación entre elas, xa que o ton e estilo son completamente distintos, pois estaba destinado por completo a un público infantil. De feito, a obra foi escrita nun principio para os seus fillos, e foi o fillo do editor George Unwin, de dez anos, quen por unha paga (un chelín), escribiu un resumo da obra e aconsellou a súa edición; ese "informe" aínda pode ser consultado.
Debido a que Tolkien non sempre tivo claro o realizar unha continuación desta obra, unha vez creado o Señor dos Aneis, tivo que realizar algúns cambios coa intención de que ambas obras tiveran a coherencia adecuada.
[editar] Véxase tamén
[editar] Bibliografía
[editar] Edición en galego
- Tolkien, J. R. R. (2000 (1ª edición 1937, en galego 2000)), O hobbit., Vigo: Edicións Xerais. ISBN 84-8302-495-0.
[editar] Bibliografía analítica
- El Hobbit: Guía de Lectura, por J. R .R. Tolkien. Guía de lectura realizada por Paola Castagno e Leandro Pascual. Editorial: Espasa-Calpe, colección Austral.
