Nucléolo
Na Galipedia, a wikipedia en galego.
O nucléolo é un compoñente do núcleo celular. No nucléolo atópase a rexión dos cromosomas (ADN) que conteñen os xenes altamente repetidos de ARNr. No nucléolo transcríbense estes xenes e axústanse a proteínas ribosomais para formar as unidades pre-ribosomais que posteriormente darán lugar aos ribosomas do citoplasma.
O nucléolo pode atoparse próximo á membrana celular ou no nucleoplasma.
O tamaño do nucléolo reflicte a súa actividade. Mostra grandes variacións en diferentes células, e pode cambiar co tempo nunha mesma célula. É moi pequeno, por exemplo, nalgunhas células de plantas en dormancia, pero pode ocupar máis do 25% do volume nuclear en células que están producindo grandes cantidades de proteínas.
A aparencia do nucléolo cambia dramaticamente durante o ciclo celular. Cando a célula se aproxima á mitose o nucléolo vai reducindo o seu tamaño, ata que desaparece cando os cromosomas se condensan e cesa toda a síntese de ARN. Cando se renova a síntese de ARNr ao final da mitose, un discreto nucléolo reaparece nas zonas cromosomais onde se atopan os xenes que codifican para ARNr.