María Antonia Iglesias
Na Galipedia, a wikipedia en galego.
María Antonia Iglesias, nada en Ourense o 15 de xaneiro de 1945, é unha xornalista galega.
[editar] Biografía
Comezou a súa traxectoria profesional en prensa escrita, colaborando no xornal Informaciones. Despois seguirían outras publicacións como as revistas Triunfo, Tiempo e Interviú.
En 1984 ingresa en Televisión española, e se integra na plantilla dos servizos informativos. A partir dese momento colabora como reporteira no espazo Informe Semanal, do que finalmente sería nomeada directora en 1989.
Un ano máis tarde é nomeada directora dos servizos informativos de TVE, cargo no que permanece ata maio de 1996, sendo relevada por Ernesto Sáenz de Buruaga.
Colabora dende entón no xornal El País, onde publicou numerosas entrevistas aos principais líderes políticos, e participou como analista en diversas tertulias de actualidade, tanto en radio - Hoy por hoy da Cadena SER; La Brújula (2002), de Onda Cero; Protagonistas (2004-2006) de Punto Radio -, como en televisión: Día a día (1996-2004), en Telecinco; Cada día (2004-2005) e Lo que inTeresa (2006), en Antena 3; Las Mañanas de Cuatro (2006-2008), en Cuatro e Madrid opina (2006-2007) en Telemadrid.
[editar] Libros publicados
- Ermua, cuatro días de julio (1997), sobre o asasinato de Miguel Ángel Blanco.
- Aquella España dulce y amarga / Carmen Sevilla e Paco Rabal (1999).
- La memoria recuperada (2003), sobre os anos de Goberno de Felipe González.
- Maestros de la República. Los otros santos, los otros mártires (2006).
- Cuerpo a cuerpo. Cómo son y cómo piensan los políticos españoles (2007), recopilatorio de entrevistas realizadas pola autora.
