Luís Rodríguez García
Na Galipedia, a wikipedia en galego.
Luís Rodríguez García é un xornalista galego coñecido co nome de Lois Caeiro.
Naceu na aldea das Cruces da parroquia de San Xiao de Cumbraos no concello de Sobrado, estudou na cidade da Coruña, no seminario de Santiago, en Comillas e fixo xornalismo en Madrid.
Foi coordenador da colección Testemuños da Editorial SEPT, colaborador de Galicia confidencial, Encrucillada, comentarista político de El Ideal Gallego, xefe de prensa da Delegación do Goberno en Galicia. Xefe dos servizos informativos da Televisión de Galicia (1985-1986), director xeral da Compañía de Radio Televisión de Galicia (1986-1987). Colaborador habitual de El Correo Gallego, publicou O xantar da memoria (2003). Na actualidade é director de El Progreso de Lugo.
