Kenenisa Bekele

Na Galipedia, a wikipedia en galego.

Medallas olímpicas
Ouro	10.000 m	Atenas 2004
Prata	5.000 m	Atenas 2004

Kenenisa Bekele, nado o 13 de xuño de 1982 en Bekoji (Oromia), é un atleta etíope, especialista nas carreiras de longas distancia e no cross. Actual campión olímpico e mundial de 10.000 m, é tamén o posuidor do record do mundo nesa distancia e foi campión do mundo de cross en distancia longa (ao redor de 12 km) en seis ocasións, entre elas en 2008.

Índice 1 Características deportivas 2 Traxectoria deportiva 3 Records mundiais actuais 4 Datos persoais 5 Notas

[editar] Características deportivas

Kenenisa Bekele é un dos atletas máis destacados do fondo de toda a historia. A súa capacidade de resistencia levouno a participar en cinco edicións dos mundiais de cross competindo ao mesmo tempo na distancia curta e na longa (4 km e 12 km) e vencendo nas dúas. Pero é especialmente coñecido pola velocidade que acada nas voltas finais. En 2003, realizou a última volta dun 10.000 en 54"64, e ese mesmo ano corría un último 200 m en 24" (52"63 no total da última volta).

[editar] Traxectoria deportiva

A súa carreira internacional comezou ao proclamarse campión do mundo de cross en categoría junior en 2001. Ao ano seguinte, o seu primeiro como absoluto, xa se proclamou dobre campión mundial de cross na distancia longa e na curta, fazaña que repetiría nas catro edicións seguintes, de forma consecutiva. A partir de 2003 comeza a simultanear o campo a través coa pista, e proclámase campión mundial de 10.000 m, título que revalidaría en 2005 e en 2007.

En 2004 proclamouse por primeira vez campión olímpico nos Xogos de Atenas, na distancia de 10.000 m. O 20 de agosto tivo lugar a final, na que os atletas etíopes buscaban ocupar os tres postos do podio. Dado que Haile Gebrselassie tiña problemas no seu tendón de Aquiles a carreira desenvolveuse de forma lenta, pero cando Gebrselassie demostrou que non podía seguir o ritmo aumentaron a velocidade, e venceu Bekele por diante do seu compatriota Sileshi Sihine e do eritreo|Zersenay Tadese, cun tempo de 27'05"10, que supuña un novo record olímpico. O último 400 cubriuno en 53"02^[1]. Oito días máis tarde, o 28 de agosto, Bekele quedaba segundo na final dos 5.000 m por detrás do marroquí Hicham El Gerrouj e por diante do queniano Eliud Kipchoge, cun tempo de 13'14"59, a vinte segundos de El Guerrouj^[2].

Despois dos Xogos entrou nunha época de crise de resultados que foi relacionada coa morte da súa parella en estrañas circunstancias. Pero en 2005 volvía gañar as dúas distancias do cross. Conseguiu encadear 27 vitorias consecutivas no campo a través, rotas en 2007, nos mundiais de cross de Mombasa (Quenia), cando obtivo a prata por detrás de Zersenay Tadese. Nos mundiais de 2008 en Edimburgo recuperou o seu cetro como campión mundial.

[editar] Records mundiais actuais

• 5.000 m en pista cuberta. 12'49"60. 20 de febreiro de 2004 (Birmingham)
• 5.000 m. 12'37"35. 31 de maio de 2004 (Hengelo, Países Baixos)
• 10.000 m. 26'17"53. 26 de agosto de 2005 en Bruxelas
• 2.000 m en pista cuberta, 4'49"99. 17 de febreiro de 2007 (Birmingham)
• 2 millas en pista cuberta, 8'4"34. 16 de febreiro de 2008 (Birmingham)

Predecesor: Mohammed Mourhit	Campión do mundo de cross longa distancia 2002-2006	Sucesor: Zersenay Tadese
Predecesor: Zersenay Tadese	Campión do mundo de cross longa distancia 2008	Sucesor: -
Predecesor: Enock Koech	Campión do mundo de cross curta distancia 2002-2006	Sucesor: distancia suprimida
Predecesor: Charles Kamathi	Campión do mundo de atletismo 2003-2007	Sucesor: -

[editar] Datos persoais

É o irmán maior do tamén atleta Tariku Bekele.

O 4 de xaneiro de 2005, a atleta Alem Techale, prometida de Bekele, falece supetamente durante uns adestramentos, cando estaba en compañía del. Aínda que se lle practicou autopsia, non se deron a coñecer datos sobre a causa do infarto. O 18 de novembro de 2007, Bekele casou coa actriz etíope Danawit Gebregziabher nun hotel de Addis Abeba.

[editar] Notas