Hasan Mahboob
Na Galipedia, a wikipedia en galego.
Hasan Mahboob Ali, nado como Silas Kirui o 31 de decembro de 1981 en Kipsabet (Quenia), é un atleta nacionalizado bahraní, especilista en longas distancias e en cross.
Comezou a súa carreira profesional no ámbito das carreiras en estrada. En 2006, ao igual ca outros moitos atletas quenianos, nacionalizouse por un pequeno país de Oriente Medio, que lle ofrecía boas condicións de adestramento e a posibilidade de competir a nivel internacional, neste caso por Bahrain. Representando a este país proclamouse campión de Asia en 2006, na distancia dos 10.000 m. Ao ano seguinte obtivo o bronce nesa mesma distancia e competición, e aínda que fixo a mínima necesaria para participar nos mundiais de Osaka de 2007, non tomou a saída.
Nos mundiais de cross de 2008, en Edimburgo, tampouco rematou a proba.
