Grupo Acteón
Na Galipedia, a wikipedia en galego.
O grupo Acteón (en francés Groupe Actéon) é un conxunto de catro atois situados ao sur das Tuamotu. Están aliñados ao longo de 47 km, de oeste a leste:
- Tenararo. Coordenadas: 21° 18' S, 136° 45' O.
- Vahanga, ten unha forma circular con 5 km de diámetro. Coordenadas: 21° 19' 08" S, 136° 39' 38" O.
- Tenarunga, ou Tenania. Coordenadas: 21° 21' S, 136° 32' O.
- Matureivavao. Coordenadas: 21° 29' S, 136° 24' O.
Tamén se chamou grupo Matureivavao, xa que é o máis grande dos catro cunha superficie de 2,5 km². Están deshabitados e son visitados ocasionalmente polas plantacións de cocos. Administrativamente dependen da comuna das Illas Gambier. Atópanse a 225 km de Mangareva.
Foi descuberto por Pedro Fernández de Quirós, o 5 de febreiro de 1606, que o describe como catro illas iguais coroadas de cocos. En diferentes anotacións da viaxe aparece como as Catro Coroadas, as Catro Irmás ou as Alagadas. En 1983 foi devastado polos efectos dun ciclón.
