Gonzalo Torrente Ballester

Na Galipedia, a wikipedia en galego.

Casa natal de Torrente Ballester en Serantes

Gonzalo Torrente Ballester (Ferrol 13 de xuño de 1910 - Salamanca 1999) foi un novelista galego que escribiu preferentemente en lingua castelá.

Estudou nas universidades de Santiago de Compostela e Oviedo; foi en Oviedo onde comezou a escribir. Estivo afiliado dende 1934 ao Partido Galeguista, mais logo da Guerra Civil Española tivo de se afiliar á Falange Española. Profesor na Universidade de Santiago de Compostela desde 1939. En 1943 publicou a súa primeira novela, Javier Mariño. Dende 1942 foi membro do grupo "Escorial", xunto a Dionisio Ridruejo e Luis Rosales. Participou nas protestas en apoio dos mineiros asturianos en foron á folga en 1962, e como consecuencia as autoridades expulsárono de tódolos seus empregos. En 1966 marchou aos Estados Unidos, onde deu clase na State University of New York en Albany. En 1970 voltou a España, e como Catedrático de Instituto impartiu aulas de Literatura Española en Madrid, Vigo e Salamanca.

Foi membro da Real Academia Española de la Lengua dende 1975, foi Premio Nacional de Literatura en 1981, Premio Príncipe de Asturias en 1982, Premio Cervantes 1985 e Premio Planeta en 1988.

Morreu o 27 de xaneiro de 1999, dun ataque ao corazón. Os seus restos descansan no cemiterio de Serantes, moi preto do lugar onde naceu.

[editar] Obras

El viaje del joven Tobías (1938)
El casamiento engañoso (1939)
Lope de Aguirre (1941)
República Barataria (1942)
Javier Mariño (1943)
El golpe de estado de Guadalupe Limón (1946)
Ifigenia (1949)
Ifigenia (1950)
A triloxía Los gozos y las sombras, constituída por El señor llega (1957), Donde da la vuelta el aire (1960) e La Pascua triste (1962).
Don Juan (1963)
Off Side (1968)
La saga/fuga de J.B. (1972)
El Quijote como juego (1975)
Fragmentos de Apocalipsis (1977)
La isla de los jacintos cortados (1980), premio Nacional de Literatura.
Dafne y ensueños (1982)
Quizá nos lleve el viento al infinito (1984)
La Princesa Durmiente va a la escuela (1985):
La rosa de los vientos (1985)
Yo no soy yo, evidentemente (1987)
Filomeno, a mi pesar (Premio Planeta 1988)
Crónica del rey pasmado (1989)
Las islas extraordinarias (1991)
La muerte del decano (1992)
La novela de Pepe Ansúrez (1994)
La boda de Chon Recalde (1995)
Los años indecisos (1997)
Doménica (1999).