Festival de cine de Cannes

Na Galipedia, a wikipedia en galego.

Este artigo debe ser combinado con Festival Internacional de Cine de Cannes

O Festival de Cine de Cannes é un prestixioso festival de cine internacional que se celebrou por primeira vez do 20 de setembro ó 5 de outubro de 1946 na cidade costeira de Cannes, ó sur de Francia. Desde aquela celebráronse cada ano, agás algunhas excepcións.

O Festival adoita acadar a máxima atención por parte dos medios de comunicación, e moitas estrelas do cine asisten ás diferentes proxeccións de películas que acole.

En Cannes entrégase un prestixioso premio coñeocido coma Palma de Ouro que concede un xurado internacional composto por profesionais recoñecidos do mundo do cine. En ocasións, varias películas comparten o galardón nun mesmo ano.

O festival de Cannes é de categoría "A" acreditado pola Federación Internacional de Asociacións de Produtores Cinematográficos (FIAPF) xunto cos festivais de Berlín, Venecia, San Sebastián, Mar do Prata ou Karlovy Vary entre moitos outros (ver no enlace á FIAPF para a lista completa).

[editar] Historia

A orixe do festival provén da necesidade de concibir unha alternativa ó Festival de Cine de Venecia que nese momento estaba baixo influencia fascista. O festival celebrábase por primeira vez en 1946 e só se ha suspendeu dúas veces, en 1948 e 1950 debido á falta de fondos.

En 1950 créase a Palma de Ouro, trofeo que reempraza ó Gran Premio.

En 1982 inaugúrase o Pazo de Festivais, edificio que se construe onde estaba o antigo casino municipal. Hoxe conta con 25.000 m2 de espazo de exhibición e 26 salas e auditorios.

[editar] Ligazóns externas

• Festival de Cannes. Sitio oficial (en inglés e francés)
• Cannes - A Festival Virgin's Guide. Información para os concorrentes (en inglés).
• Tales of a festival : remembering Cannes in sound and pictures (en inglés)