Eugene Delmar
Na Galipedia, a wikipedia en galego.
Eugene Delmar (Nova York, 12 de setembro de 1841 –Nova York, 22 de febreiro de 1909) foi un campión estadounidense de xadrez.
Gañou o campionato do Club de Xadrez de Brooklyn 1874. En 1879 derrotou a Sam Loyd en Nova York ( +5 -1 =2). En 1885, gañou o campionato do Club de Xadrez de Manhattan, triunfo que repetiu ao ano seguinte. En 1888, derrotou a Samuel Lipschutz nun match xogado en Nova York ( +5 -3 =0). Nos anos 1890, 1891, 1895 e 1897 gañou o campionato da Asociación de Xadrez do Estado de Nova York. Xa sexagenario, obtivo o último lugar en Cambridge Springs 1904 ( +3 -9 =3), aínda que se deu o luxo de empatar ou ata vencer a grandes xogadores como Carl Schlechter e Jacques Mieses.
Pouco despois foi derrotado polo entón adolescente José Raúl Capablanca, debutante no terreo internacional.
Por máis de cincuenta anos foi un dos líderes nos rankings xadrecísticos estadounidenses.