Casa da Música
Na Galipedia, a wikipedia en galego.
A Casa da Música é a principal sala de espectáculos de Oporto. Foi proxectada polo arquitecto holandês Rem Koolhaas e construída como parte do proxecto Porto Capital Europea da Cultura en 2001 (Porto 2001). Malia que a súa construción non foi rematada ata o 2005, axiña se convertiu nun icono da cidade.
Índice |
[editar] Construción
A Casa da Música foi construída a carón dun dos principais eixos de tráfico do centro da cidade, a Rotonda da Boavista. O lugar onde está actualmente o edificio era usado para recollida e reparación dos tranvías da cidade. Se ben proxecto excedeu os catro anos estimados para a súa construción, e os custos ascenderon a aproximadamente 100 millóns de €, o proceso de construción trouxo novos desafíos á enxeñería coa fin de conseguir a forma insólita do edificio. Os traballos de enxeñería estiveron a cargo das empresas Ove Arup de Londres e Afassociados de Oporto.
[editar] Críticas dos especialistas
A arquitectura do edificio foi aclamada internacionalmente. Nicolai Ouroussoff, crítico de arquitectura do New York Times, clasificouno como "o proxecto máis atraente que o arquitecto Rem Koolhaas construíu" e como "un edificio cun ardor intelectual combinado coa súaa beleza sensual". Comparouno tamén "co exuberante proxecto" do Museo Guggenheim de Bilbao do arquitecto Frank Gehry en Bilbao. "Mirando simplemente o aspecto orixinal do edificio, verifícase que esta é unha das máis importantes salas de espectáculos construída nos últimos 100 anos", comparándoa coa sala de espectáculos de Walt Disney, en Los Angeles, ou co auditorio da Berlim Philharmonic.
[editar] Inauguración
Malia que o primeiro concerto foi o día 14 con Clã e Lou Reed, o espazo foi inaugurado o 15 de abril de 2005 polo Presidente da República Jorge Sampaio. O Primeiro Ministro, políticos, e a sociedade de Oporto estiveron presentes no concerto dado pola Orquestra Nacional do Porto.
[editar] Funcionalidade do Edifício
A Casa da Música posúe dous auditorios principais, se ben outras áreas do edificio poden ser adaptadas para concertos ou espectáculos (oficinas, actividades educacionais, etc.).
- O auditorio grande ten unha capacidade inicial para 1.238 persoas, mais pode variar dacordo coa ocasión.
- O auditorio pequeno é flexíble, non sendo publicitado un número fixo de lugares, se ben se pode definir unha media de 300 persoas sentadas e 650 de pé, dependendo do tamaño e da localización do palco, da disposición das cadeiras, da presenza e do tamaño do equipamento de son e de gravación, etc.
- Na parte superior do edificio existe un terceiro espazo para espectáculos, con capacidade para 250 persoas.