Anthony Minghella
Na Galipedia, a wikipedia en galego.
Anthony Minghella (6 de xaneiro de 1954 - 18 de marzo de 2008) foi un director e guionista do Reino Unido. Nado na Illa de Wight de pai italiano e nai Escocesa, graduouse na Universidade de Hull.
Gañou o Premio Oscar ó mellor director polo seu traballo na película The English patient. Nos anos 1980 traballou para a televisión en series británicas tanto para a BBC como para a ITV.
Foi en 1990 cando empezou a traballar no mundo do cine. Ese ano filmou a película Truly, Madly, Deeply que foi o seu primeiro grande éxito de taquilla. Este foi o primeiro traballo de Minghella como director, e deulle a oportunidade de aprender para posteriores proxectos máis ambiciosos.
Minghella estaba casado coa coreógrafa Carolyn Choa e tiña un fillo e unha filla, Max e Hanna. Max, nado en 1985, é actor e un dos protagonistas da próxima película de Alejandro Amenábar, Mists of Estafe, onde dá vida a Davo. Hanna foi axudante de produción do seu pai en O talento de Mr. Ripley.
Ata a data da súa defuncion foi o presidente do British Filme Institute.
O seu irmán, Dominic Minghella, é tamén un coñecido guionista.
[editar] Filmografía parcial
- The storyteller (1987) (TV) (guionista)
- Living with Dinosaurs (1989) (TV) (guionista)
- Truly, Madly, Deeply (1990)
- Mr Wonderful (1993)
- O paciente inglés (1996)
- The Talented Mr. Ripley (1999)
- Play (2000)
- Cold Mountain (2003)
- Breaking and Entering (2006)
[editar] Premios
- 2003 Premios "National Board of Review" - Mellor guión adaptado por Cold Mountain (2003)
- 1999 Premios "National Board of Review" - Mellor director por The Talented Mr. Ripley (1999)
- 1997 Oscar ao mellor director por The English patient (1996)
- 1997 BAFTA á mellor película por The English patient(1996) (compartido con Saul Zaentz)
- 1997 Premio da "Broadcast Filme Critics Association" - Mellor director e mellor guión por The English patient (1996)
- 1997 Premio da "Directors Guild of America" á mellor dirección por The English patient(1996)
- 1992 BAFTA ó mellor guión orixinal por Truly, Madly, Deeply (1990)