Anfitrite
Na Galipedia, a wikipedia en galego.
Anfitrite, na mitoloxía grega, era unha nereida, esposa de Poseidón e nai de Tritón. Filla de Nereo e Dóride.
O deus do mar pretendía á súa irmá, Teti, pero un oráculo anunciou que un futuro fillo de Teti e Poseidón, en conxunción cun outro deus, destronaría ao pai, polo que Poseidón escolleu a Anfitrite como dona. Outras fontes afirman que Poseidón namorouse dela despois de a ver bailar. Pero Anfitrite quería permanecer virxe e fuxíu del, Poseidón envioulle o seu golfiño para a convencer. Agradecido, transportouno ao ceo coa súa propia constelación.