Alumno

Na Galipedia, a wikipedia en galego.

Os alumnos defínense como aqueles que aprenden doutras persoas.

[editar] Etimoloxía

Etimoloxicamente, alumno é un termo que provén do latín alumnum derivado da palabra alere, que significa alimentar e "alimentarse desde o alto", contrapoñéndose ó significado de "alumno" como "carente de luz", moitas veces usado en forma errónea.

[editar] Definición

Dise de calquera persoa, respecto do que a educou e criou desde a súa nenez. Deste xeito, un pode ser alumno doutra persoa máis nova. De feito, alumno xralízase en estudante ou tamén en aprendiz.

Somos alumnos durante toda a nosa vida porque a esencia do alumno é estar aprendendo doutro e non dejixamos de aprender dos outros durante toda a vida. Somos alumnos das persoas que nos ensinan independentemente da súa idade.

Tamén é alumno o discípulo, respecto do seu mestre, da materia que aprende ou da escola, colexio ou universidade onde estuda. O estudante é un alumno.

[editar] Tipoloxía

• Hai alumnos oficiais que seguen o ensino nas escolas, institutos, universidades e demais centros do estado, incluídos os seus sitios virtuais, con obrigatoriedade de asistir a clase, ou acreditar os traballos mandados.
• Hai alumnos libres que non cursan estudos en centros do estado, nin en colexios recoñecidos ou sitios virtuais autorizados e deben examinarse ante os tribunais dos centros oficiais.
• Existe tamén a figura do alumno oínte aquel que obtén do decano ou catedrático a autorización para asistir ás clases e prácticas dos alumnos oficiais simplemente para aprender, ou ben, para examinarse logo en calidade de alumno libre.
• Alumno colexiado é o que recibe ensinanza nun colexio ou centro recoñecido.
• Alumno externo o que só permanece no centro de ensino durante as horas de clase.
• Alumno interno aquel que vive no establecemento onde recibe a ensinanza. (Residencia de estudantes, colexios maiores, universidades laborais...)
• Alumno mediopensionista é o que permanece no centro de ensino durante toda a xornada escolar, almorzando no mesmo. Este alumno tamén se chema pupilo e na maioría dos colexios, escolas e institutos ofrécense estes servizos.
• Alumno bolseiro é o que disfruta dunha bolsa para pagarse os estudos,la estancia ou/e a comida.
• Alumno no universitario é o que obtivo dispensa de escolaridade ou que non asiste obrigatoriamente ás clases dun centro, pero que ten que examinarse e acreditarse ante os profesores ou catedráticos do mesmo.

Danse situacións no ensino regulado en que os alumnos cursan as materias a distancia, sen obrigatoriedade de asistir a clase, a non ser, puntualmente. É aquí onde están presentes con moita forza as chamadas TICs novas tecnoloxías e técnicas da información, que permiten ós alumnos maior flexibilidade no tempo e no espazo para desenvolver o seu proceso de ensino - aprendizaxe.