Alfonso Hermida
Na Galipedia, a wikipedia en galego.
Alfonso Hermida Mejuto é un xornalista galego coñecido polos seus traballos televisivos na Televisión de Galicia.
Durante varios anos estivo á fronte do programa deportivo da fin de semana da canle autonómica galega que se encarga principalmente de cubrir a xornada futbolística, En Xogo. Por este traballo conseguiu o Premio Mestre Mateo ó mellor comunicador de tlevisión no ano 2004.
En 2005 foi relevado por Carlos Macía e Jessica Figueroa á fronte de En Xogo para incorporarse ós informativos como presentador xunto a Begoña Fontenla e Araceli Gonda o Telexornal Mediodía, no que se ocupa tamén da edición.
Como membro dos servizos informativos, fixo coberturas especiais de diversos acontecementos, destacando o éxito de Óscar Pereiro no Tour de Francia de 2006 no que subiu ó segundo escalón do podio ou o especial das elección municipais celebradas en maio de 2007.