Sabotaç
De Vichipedie, la enciclopedie libare dute in marilenghe.
Il sabotaç al è une azion deliberade par indebolî il nimì a traviers de soversion, il berdei, il disordin e/o la distruzion. In vuere la peraule e je doprade par descrivi la ativitât di une persone o di un grup no associât cui militârs (par esempli un agjent segret o un partigjan), soredut cuant lis azions a puartin ae distruzion o, in dut câs, a danegjin lis infrastruturis produtivis o vitalis come armaments, fabrichis, dighis, servizis publics o magazens. A difarence dai ats di terorisim, lis azions di sabotaç no an il maiôr numar di muarts sicu primari obietîf, ancje se nol è escludût a priôrs.
Il non al proven de rivoluzion industriâl, cuant che i telârs a vapôr a vignivin danegjâts dai tessêrs licenziâts butant tai lôr ingranaçs çocui di len (sabots in francese).
