Nadison
De Vichipedie, la enciclopedie libare dute in marilenghe.
Cheste vôs al è un aboç, che al è stât juste scomençât e al conten dome pocjis informazions.
Se tu puedis, zonte alc cumò e judinus a fâle deventâ simpri miôr seguint lis convenzions de Vichipedie. Par vê une liste complete da lis vôs in cheste condizion, cjale la rispetive categorie. Graziis di cûr. |
Il Nadison (in sloven Nadiža), al è un impuartant flum dal Friûl.
Al nas a 415 metrots di cuote al confin tra la Slovenie e il Friûl e al derive de confluence dal Riul Blanc (in sloven Bela Nadiža) e dal Riul Neri (in sloven Crni Patok) che a vegnin jù da lis faldis dal Montmajôr che al fâs part de cjadene dal Grant Mont in teritori dal comun di Taipane e dal Gabrovig.
Subite dopo al jentre in teritori sloven passant a nord dal Mont Mia fint a la forcele di Caporet dulà che al volte decisementri viers sud rientrant in Italie a ret dal pas di Stupice.
Dopo ve traviersât i comuns di Pulfar e di San Pieri dai Sclavons, lu cjatin une vore infuessât al puint di San Cuirin e di li al scomence une corse intun carateristic foran che a si conclût ai confins dal comun di Manzan, par dopo seguitâ in plan.
Carateristics a son ancje i passaçs sot dal puint dal Diaul di Cividât e dal puint Roman di Premariâs.
Sot dal comun di Trivignan al scole intal Tor e di li al scomparìs inte marsure. Cuant che e je le aghe grande al rive a butâsi intal Lusinç.
Il Nadison al è lunc 60 chilometris e il so bacin idrografic al è di cirche 322 kmq.
Une vore interessante e je le faune che si pues cjatâ tal ambient fluviâl, soredut il pesam e i ucei, ancje se va dit che intai ultins agns e àn patît le diminuzion te puartade de aghe.
Sul puint di Cras di Pulfar |
Il Nadison sot dal Puint dal Diaul a Cividât |