Joseba Sarrionandia
De Vichipedie, la enciclopedie libare dute in marilenghe.
Joseba Sarrionandia al è un dai autôrs bascs plui impuartants dal dì di vuê, e un dai scritôrs contemporanis in basc plui cognossûts.
Nassût a Iurreta (Biscaie) tal 1958, si è laureât in filologjie basche e al à po insegnât in diviersis universitâts baschis, in plui di colaborâ cun variis rivistis di stamp culturâl, leterari o linguistic. Tal 1980 al è stât arestât cu la acuse di jessi un membri di ETA e al è stât condanât a 28 agns di preson. Tal 1985 al è scjampât de preson di Martutene e di in chê volte al vîf in clandestinitât. La sô fughe e je stade cussì straordenarie di deventâ il sogjet di une cjançon dai Kortatu – Sarri Sarri – deventade aromai part dal repertori musicâl nazionalitari basc (che si pues sintî a cjantâ tai moments di gjonde). Ancje in clandestinitât, Sarrionandia al va dilunc a scrivi poesiis, contis curtis e lungjis, e la cualitât dal so lavôr e je ricognossude a nivel internazionâl e e je stade premiade plui voltis.
[cambie] Oparis
- Narrazioak (Narazions), uniche opare publicade par talian cul titul Lo scrittore e la sua ombra
- Atabala eta euria (Il tambûr e la ploie)
- Ipar aldeko orduak (Lis oris dal nord)
- Ez gara geure baitakoak (No so di noaltris stes)
- Han izanik hona naiz (Stât là, soi culì)
- Ni ez naiz hemengoa (Jo no soi di ca)
- Marginalia
- Kartzeleko poemak (Poemis de preson)
- Marinel zaharrak (I vieris marinârs)
- Hnuy illa nyha majah yahoo
- Hitzen ondoeza (Il malstâ des peraulis)
