Basiliche di Sant Antoni da Padue
De Vichipedie, la enciclopedie libare dute in marilenghe.
Le Basiliche di Sant Antoni da Padue e le glesie pui grande de citât di Padue in Italie Visitade dut l'an da piligrîns vignûs da ogni bande dal mont,e je cognossude simplicementi cul non di Il Sant (Il Santo,par talian) ,ma no je il domo de citât.
Le costrzion de Basiliche ven scomençade in tal 1238,siet agns dapo le muart di Sant Antoni da Padue.Il Sant,come al veve lassât scrît tal sô testament,al fo soterât in te piçule glesie di Sante Marie Mater Domini ,dongje a un convent da Lui fondât in tal 1229.Cheste gleseute al fo incorporade in te Basiliche cul non di Capele de Madone Môre.
Le Basiliche e je un grant edifizi,cence un stîl architetonic definît.Drenti,son tancj i monuments funerarîs.In te Capele dal Santissim Sacrament si cjate le tombe dal famôs condutôr Gattamelata e ancje sô fî Zuan Antoni.Lis relicuîs dal Sant,si cjatin in te Capele dal Tesaur.Il cuarp dal Sant,ch'al jere a stâ in te Capele de Madone Môre cumo' si cjate in une capele speciâl,creade par Tullio Lombardo cun sculturis di Tiziano Aspetti.In te Basiliche si cjatin tantis figuris impuartantis de Madone.Oparis di grande impuartance son il bielisîm doplîr di Pasche creât in tal 1515 par Dree Briosco ,sîs statuis dal Sant dal Donatel , e il Crist in crôs di Altichero da Zevio ,une des oparis pui impuartantis de fîn dal secul XIV.
