Naser Khader

Frá Wikipedia, hin frælsa alfrøðin

Naser Khader (arabiskt:(ناصر خاضر) (føddur 1. juli 1963 í Damaskus) er ein danskur-sýriskur skribentur, fyrilestrarhaldari, politikari og var fólkatingslimur fyri Radikala Vinstra 2001-07. 7. maj 2007 stovnaði Naser Khader saman við politikarunum Gitte Seeberg og Anders Samuelsen nýggja flokkin Ny Alliance.

Naser Khader stovnaði felagsskapin Demokratiske Muslimer í sambandi við gøluna um Muhammedtekningarnar.

4.-5. apríl 2007 vóru Naser Khader og konan Bente Dalsbæk í Føroyum og hildu hvønn sín fyrilestur í Miðlahúsinum í Havn.

Innihaldsyvirlit 1 Privat 2 Útbúgving 3 Arbeiðslív 4 Politiskt lív 5 Nevndararbeiði 6 Bókaútgávur 7 Heiðurslønir 8 Keldur

[rætta] Privat

Foreldur hansara eita Ahmed Abu Khader og Sada Abu Khader. Hann livir saman við løgfrøðingi og rithøvundi Bente Dalsbæk.

[rætta] Útbúgving

Árini 1975-80 gekk Naser Khader í fólkaskúla og 1980-83 á studentaskúla í Keypmannahavn. Hann er cand.polit. frá Københavns Universiteti, har hann var innskrivaður 1986-93.

Harumframt hevur hann lisið mellemøststudier á Odense Universiteti 1991-93, fjarlestur í islam, m.a. summarskeið á al-Azhar Universitetinum i Kairo 1997, og er útbúgvin innan retorikk og miðlan á Aarhus Universiteti 1994-95. Hann hevur fleiri ferðir verið á námsferð í Miðeystri og hevur verið á fleiri tulkaskeiðum.

[rætta] Arbeiðslív

• 1983-98 arabiskur tulkur og týðari
• 1989-97 týðari/konsulentur fyri DR
• 1996-97 konsulentur í Dansk Almennyttigt Boligselskab

[rætta] Politiskt lív

Naser Khader hevur verið limur í Radikala Vinstra árini 1984-2007 og verið Keypmannahavnskur býráðslimur árini 1997-2000. 7. maj 2007 stovnaði Naser Khader saman við politikarunum Gitte Seeberg og Anders Samuelsen nýggja flokkin Ny Alliance.

[rætta] Nevndararbeiði

• 1998-2001 limur í etiska ráðnum
• 2000-2001 limur í »tænketankinum« um integratión hjá danska innanríkisráðnum
• 1999-2000 nevndarlimur í Lokale- og Anlægsfonden
• 1998-? limur í nevndini hjá Nyt Europa

[rætta] Bókaútgávur

• Ære og Skam, Borgen (1996)
• khader.dk (saman við Jakob Kvist), Aschehoug 2000
• Nasers Brevkasse. Interview ved Elisabeth Svane, Gyldendal Uddannelse (2001)
• Naser Khader og folkestyret - de første fire år. Politiken (2005)

[rætta] Heiðurslønir

• Forfatterforeningens pris for Fred og Mellemfolkelig Forståelse, aug. 1998
• HK's Kulturpris, 1998
• AFS-Interkulturs Interkulturprisen 1999
• Modermål-Selskabets Modersmål-Prisen 2000
• Junior Chambers pris som The Outstanding Young Person 2001
• P.A. Heiberg Prisen, Dansk Pen's ytringsfrihedspris, 2002.
• Jyllands-Postens Fonds Ytringsfrihedspris, 2006.

[rætta] Keldur

• Folketinget.dk Dato: 21. juli 2003.
• Naser Khader
• Ny Alliance
• Naser Khader - Wikipedia (danskt)
• Nyhedsmagasinet Danske Kommuners tema om VL-grupper (bert atgeingi fyri haldarar)