Kongur (talv)
Frá Wikipedia, hin frælsa alfrøðin
Talvfólk | |
---|---|
![]() |
Kongur |
![]() |
Frúgv |
![]() |
Rókur |
![]() |
Bispur |
![]() |
Riddari |
![]() |
Finna |
Kongur er mest umráðandi talvfólk í talvi. Hvør telvari hevur ein kong í part. Endamálið í talvi er at seta kongin hjá mótpartinum skák og mát, og tá er talvið vunnið. Kongurin kann fara eitt fet í allar ættir, tó er ikki loyvt at leika hann beinleiðis í deyða. Verður kongurin hóttur, soleiðis at ein maður hjá mótpartinum kann drepa kongin í næsta leiki, stendur kongurin í skáki. Tá skal kongurin leikast úr vanda ella annað fólk leikast ímillum, so hann ikki stendur í skáki longur.
Kongurin er við í serligum leiki, tá ið ein leypir í borg.
At leggja kongin merkir, at ein gevur upp. Ein kann velja at geva talvið yvir á ymiskan hátt, og tá er talvið liðugt og tapt. Ein kann leggja kong sín niður, ein kann steðga klokkuni, ella ein kann taka í hondina á mótpartinum og siga, at ein gevur talvið.