Prencipial
Dendi Güiquipeya
Esta ayua trata d'endicalti los primerus pasus pa eital ena Güiquipeya contestanduti las custionis mas frecuentis.
Pa hazel prebas cola Güiquipeya pueis dil a la zona e prebas.
Continius |
[eital] Lo cúmu pueu eital una páhina?
- Ebis pursal sobri la pestaña "Eital", asiahá al esmiençu el endirgui, ena retolá pestañas ubicás sobri el entítulu, u en cualisquiel atihu d'eición [edit] que apacin enas cabeceras de las secionis, a la derecha e las mesmas. Con ellus puein crealsi enlacis, gastal carateris en negrina u en cursiva, atihal angunas imahis i algotras cosas.
[eital] Lo cúmu pueu creal atihus?
- Un atihu es el nombri dun endirgui asiahau endrentu un dobri corcheti. Tamién se puei creal el atihu con un testu deferenti al que muestra el atihu mesmu, pol ponel un clusu:
-
- [[Nombri el endirgui]] -- atihu normal
- [[Nombri el endirgui]]s -- el sufihu añiiu (nesti chascu, la letra s) apaici cumu parti el atihu.
- [[Nombri el indirgui|algotru nombri]] -- açoncha el nombri el endirgui i muestra cualisquiel algotru testu lihiu nel su lugal (gástalu con mueración, i enhamás añás testu cumu "as click aquí!").
- [[Nombri el endirgui(defiu)|algotru nombri]] -- el "trucu contestual": la parti entri paréntesis nu se muestra.
- Pa tós estus atihus nu es mestel escrebil guionis bahus ("_") pa atual cumu separaoris cumu se puein vel en algunus enlacis. Los espacius tamién tienin la mesma hunción, i nu orihinan pobremas p'atihal.
[eital] Lo cúmu pueu renombral una páhina?
- Los usuárius puein tresladal páhinas. Estu muevi el caltiniu e las mesmas i el su estorial d'eicionis a un nuevu entítulu, creandu al mesmu tiempu una redireción nel antigu entítulu que lleva al nuevu. Esti métodu es mas efetivu que copial i pegal el caltiníu a manu, preservandu asina el estorial d'eicionis el artículu. Pa tresladal un artículu tienis que pursal la pestaña "Movel". Una vezi qu'aigas moviu el artículu, pol favol, pursa sobri el atihu Lo qu'atiha aquí que apaci a la gocha, i corrihi los enlacis que llevin pal entítulu antigu (que apaicirá aseñalau cumu una redireción), que apacin ena lista proporcioná.
- Las imahis i otrus archivus murtimeya nu puein chambal el su nombri. Pueis hazel una copia el archivu al tu propiu sistema, rellamalu allí, i altonci, empuntalu con el nuevu nombri. Corrihi tolos atihus que llevin al nombri antigu, haziendu que conduzan al nuevu nombri, i aluspués, aseñala el archivu antigu cumu archivu pa esborrau liheru, pa que asina un alministraol puea esborralu pol tí.
[eital] Lo cúmu pueu esborral una páhina?
- Anti tó, nu branqueis la páhina. Los branqueus de páhinas suelin sel revertius en seguia. El procedimientu pal esborrau e páhinas ebi siguilsi cumu el de los archivus multimeyas, llevau a cabu pol alministraoris; los usuárius puein recomendal la su eliminación.
[eital] Lo cúmu pueu eital una páhina e redireción?
- La horma mas sencilla es pursandu el atihu qu'apaci embahu el entítulu el artículu cuandu chegas pol meyu duna redireción "(Redirihiu endi...)". Pol sabulugal, si ententas chegal a Ehtremaura, sedrás rederihiu al artículu Estremaúra, ondi hustu embahu el entítulu vedrás el testu "(Rederihiu endi Ehtremaura)". Al pursal nesi momentu sobri el atihu e Ehtremaura chegarás a la redireción, ondi pudrás eitala.
[eital] Lo cúmu pueu comprebal los chambus d'otrus usuárius nun artículu?
- El software MediaWiki puei creal una lista que muestra los chambus entri dos velsionis dun artículu (tantu entri dos velsionis cunsecutivas, cumu entri la velsión atual i una anteriol). Estu apaci refrehau ena páhina "Estorial" de ca artículu, ena que pueis entral a través duna e las pestañas superioris. Pa comprebal los chambus entri dos velsionis, solu ebis aseñalal las eicionis que quieas comparal, i hazel click en Comparal velsionis aseñalás. Nesta comparáncia, anombrá def, se muestran en ruyu los chambus que s'aprecian entri dos eicionis aseñalás.
[eital] Lo cúmu pueu añiil angunas imahis nun artículu?
- Anti tó, as de tenel el premisu pala pubricación de la imahin, lu cual senifica que, u bien eris el autol de la imahin, i pol tantu tienis el su copyright, u bien, la imahin es de domeñu púbricu u está liberá con una licencia e cóigu abiertu. Si la imahin s'alcuentra nun sirviol de la tu propieá, pueis referencial la imahin endi el artículu con solu añiil el atihu URL, cumu endica esti sabulugal:
-
- http://mi.sirvior.com/imagin.png
- D'esta horma, el atihu sedrá incluiu nel artículu, si bien nu apaicirá cumu una imahin, solu cumu un enlaci. Si en lugal d'esu, te petaria empuntal una imahin, pueis gastal la oción "Empuntal archivu" (upload file) que apaici nel menú asiahau ena gocha, sempri cumu usuáriu ruhistrau. Una vezi que la imahin seya empuntá, pueis referila al tu artículu cumu se muestra embahu.
-
- [[Image:Nombri la tu imahin.jpg|Testu descritivu la imahin]]
