Pablo Gonzálvez González
Dendi Güiquipeya
Maestru i pueta estremeñu naciu en Carçailla.
Es autol de la Primera Gramática Ehtremeña i de várius puemárius. La su labutación nel campu la Filulohia Estremeña á siu la mas emportanti hata el momentu, pol sel la primel ententona e nolmativizal el estremeñu.
Continius |
[eital] Via
Pablo Gonzálvez González tuvió nacéncia en Carçailla (Caçris) en el añu 1934, ihu e padris agricurtoris. Cursó los estuyus de Umaniais i Filusofia nel Seminariu Diocesanu e Cória-Caçris pol onzi añus. Otuvió el títulu e Maestru Nacional de Primel Enseñáncia endispués d'estuyal cumu alunu libri na Escuela Nolmal de Mahistériu de Caçris. Acabihó la su hormación pol mé de cursillus de la su especialiá i tamién pol mé de várius cursus de Filulohia Ispánica na UNED.
[eital] Ativiá literária
Escomiençó nel mundu la literatura e nuevu, espubricandu, avezis con seudónimu, compusicionis puéticas ena rivista Alcántara.
En 1981 espubricó un puemáriu entitulau Hojas extremeñas sueltas, ondi tendria cabusia puesia tantu en castellanu cumu en estremeñu.
En 1982 pol consehu dunus amigus, Pablo Gonzálvez se prehentó al VI Concursu «Ruta de la Plata» lograndu el primel prémiu ena mualiá de «palra populal» con un puema entitulau La briega. Apartil desti prémiu esmiençaria a cohechal una notabri séri e galardonis cumu el primel prémiu en el certamin pracentinu e puesia en castellanu «Exaltación de la encina» i el primel accesit en el concursu convocau pol Extremadura Unida, dambus los dos nel mesmu añu, con el puema No ehtá la tierra pa hadel indirguh.
Ansimesmu alcibi un galardón (accessit) nel certamin literáriu del Martis mayol de la capital el Herti en 1984 con el puema Alilaya.
En 2002 espubricó un nuevu puemáriu entitulau Nuevah hojah ehtremeñah sueltah.
En 2005 feguran angunus los sus puemas ena primel antulohia hecha e puesia en estremeñu a manus de Luis Martínez Terrón.
[eital] Ativiá envestigaora
Pablo Gonzálvez es unu los mayoris conoceoris el estremeñu, aportandu nu cumu obra filulóhica namás, sinu tamién cumu obra literária la Primera Gramática Ehtremeña en 1995. Esta obra pretendi abadal el dialeutu duna horma global, çalachandu el sistema lingüísticu el estremeñu enos sus divelsus andaris fonéticu, morfulóhicu i sintáticu. Cumu hechu señalabri, destaca la su prepuesta ortugráfica fonetista ondi letras cumu la x u la j nu feguran endrentu el arfabetu estremeñu i gasta pa arreprehental tolos tipus d’aspiracionis la letra h. Se trata e la primel prepuesta e nolmativizal el estremeñu escritu, inque son muchas las deficurtais qu’eha ascapi. Amás la Gramática de Gonzálvez peca d’enfocal una gramática en comparáncia sempri con el castellanu, escudiandu al lionés i al purtugués cumu luengas mas celcanas a las raizis el sustratu el estremeñu.
Lleva várius añus labutandu nun voluminosu idionáriu de mas de 20.000 télminus del que entavia se sabi la fecha e pubricación. Aprepara tamién una obra e caraiti demusóficu e Carzailla.
Tamién tini participau en dos de los tres congresus celebraus sobri el estremeñu, el primeru na su localiá natal, Carçailla, nel 2003 i el segunderu en San Peiru e Méria (Badahó) nel 2004.
[eital] Bibliugrafia
- García-Plata de Osma, R., Ruta de la Plata. 10 años de poesía en Extremadura, Madrí, eit. R. García-Plata Quirós, 1986.
- Gonzálvez González et alii, Primera gramática ehtremeña, Carçailla, eit. Partido Regionalista Extremadura Unida, 1995.
- Martínez Terrón, L., Primera Antología de poesía extremeña, Caçris, 2005.
[eital] Enlacis
http://es.geocities.com/ehtremeu/ Web presonal
http://geo.ya.com/nicaela30/inicio.htm Segunderu congresu e la palra estremeña