Gabriel y Galán
Dendi Güiquipeya
José María Gabriel y Galán (Hosi Maria Gabriel i Galán)
(Frais de la Sierra, Salamanca, el 28 e huniu e 1870 - † Guihu e Granailla, Cazris, el 6 de eneru e 1905), pueta que escrebió en castellanu i estremeñu.
[eital] Biografía
Ihu e campusinus propietarius las sus tierras. Pasa la su enfancia en el puebru natal asistiendu a su escuela, i a los 15 añus se traslada a Salamanca a acontinal los sus estuyus (en esta época hadi los sus primerus versus). Al mesmu tiempu labuta en un pósitu e tehíus. En 1888 consigui el títulu e maestru e escuela i es destinau a Guihuelu, a unus 20 Kilómetrus el su puebru natal. Al pocu tiempu va a Madrí pa acontinal estuyandu ena "Escuela Normal Central". Nu permaneci muchu allí, pos la metrópoli le prouci rechazu (la huchéa en angunas cartas de Modernópolis ).
Es destinau a Piedraíta (Ávila). El su estau e ánimu es bahu, firmandu las cartas a los sus collácius cumu El Solitario.
El hovin maestru se prefila ya cumu un dagal tristi, melancólicu, mu sensibri i de prohundas convicionis relihiosas (recibias de la su mairi, Bernarda), que ya se notan enus sus puemas. Conoci a la su muhel Desideria (a la que huchéa cariñosamenti mi vaquerilla) en 1893, i endi altoncis sufri un chambu radical. Abaldona el puestu e maestru i se traslada a Guihu e Granailla, ondi admenistra la hesa El Tehal, propiedá el tíu e la su esposa. Allí alcuentra el tiempu i sosiegu pa madural la su puesía. Al tenel nacencia el su primel ihu (Jesús, 1898) componi El Cristu benditu, primera e las sus famosas Estremeñas.
Falleci el 6 de eneru e 1905, a consecuencia e una pulmunía mal curá. El ayuntamientu e Guihu e Granailla mantiini la casa que abitó, cumu museu, ondi se ensiñan ohetus presonalis el pueta, donación de los sus erederus.
[eital] Obra
La su obra puética se aparta el modernismu, siendu conservaora en estrutura i temática: defiendi la traición, la familia, la estirpi, el dogma católicu u la descansá via campestri.
Puemarius:
- Castellanas (1902)
- Estremeñas (1902)
- Campusinas (1904)
- Nuevas Castellanas (1905)
- Relihiosas (1906)
