Felipe Trigo
Dendi Güiquipeya
Felipe Trigo (Villanueva e la Serena, Badahó, 13 e febreru e 1864 - Madrí, 2 de setiembri e 1916). Escrebiol español. Estuyó meicina en Madrí i labutó nangunus pueblus de Estremaúra. Endispués entró nel Cuelpu e Saniá Milital, i hue indirgau pa Filipinas, ondi estuvu celca espenal. Hue arrepatriau cumu mutilau de guerra, col grau en tenienti coronel. En 1900 ehó la profesión méica pa enlialsi namás cola literatura. La mayol parti e las sus novelas i relatus brevis tien cumu tema prencipal el erutismu i tuvun ésitu abondu de públicu ena primel décaa el sigru XX, lo que preporcionó al autol emportantis engresus económicus. Trigo criticaba en esas novelas la ipucresía i los prehuícius de la socieá española eno rifirenti a la moral sesual.
Las novelas más destacás son:
- Las inhénuas (1901)
- La sé d'amal (1903)
- Arma enos belfus (1905)
- La Artísima (1907)
- La bruta (1908)
- Sor Demoñu (1909)
- Ena carrera (1909)
- Cuentus inhénuus (1909)
- Las posás del amol (1909)
- Amás del frac (1910)
- Asín paga el diablu (1911)
- El papá de las bellezas (1913)
- A preba
El autol es, sin embalgu, más recueldau pol dos labutus enos que, inque lo eróticu está tamién prehenti, son más emportantis las sus enquietues reheneracionistas, arreol las ideas de los miembrus de la Heneración del 98. Son estas: El méicu rural (1912), ena que, con abondus elimentus autubiográficus, critica huertienti la probecía i la inoráncia ena que vivin los campusinus estremeñus; i, sobritó, Harrapellehus, novela várias vedis reeditá i llevá al cini pol Antoñu Himénes-Ricu, que denuncia los malis del caciquismu ena socieá española e la Restauración. Escrebió tamién ensayus enos que espricitó las sus opiniónis políticas. El más destacau es quidiá el su libru Socialismu endividualista, espubricau en 1904.
Felipe Trigo se suicidó en 1916. Nu están mu crarinas las radonis que l'indirgarun pal suicídiu.
[eital] Enlacis esternus
Template:Wikisource autor
