Esquilu
Dendi Güiquipeya
Esquilu u Ésquilu, (en griego Αἰσχύλος; Eleusis 525 a. C. - †Gela, 456 a. C.). Dramaturgu, consierau el criaol la trahédia griega.
Continius |
[eital] Via
De los datus la su via sigún las huentis biugráficas antíguas ná se puei sacal en craru, acetu que runchó en Maratón i que viahó a Sicília, ya que se centran mas en espetus anegóticus i en referéncias posterioris cumu las del cómicu Aristófani.
Sigún las biugrafias antíguas, nació nel demu d’Eleusi, en Atena, i era ihu d'Uforión. Tuvió dos helmanus, Cinehiru i Amíniu. S’enició nel mundu la puesia dramática de mu nuevu, anque ya nel mundu antígu alcibia alabáncias mas cumu guerreru en Maratón que cumu tráhicu. Asina reza parti el su epitáfiu mas anombrau: «ἀλκὴν δ’εὐδόκιμον Μαραθώνιον ἄλσος ἂν εἴποι / καὶ βαθυχαιτήεις Μῆδος ἐπιστάμενος.» "contaria nel bosqui Maratón la valerosa huerça en combati el persa d’espesa cabellera, puestu que lo tinia conociu". Testimoñu del su contautu cola guerra hue la su obra mas antígua conselvá: Los persas.
Se sabi que viahó a Sicília, hunta el tiranu Yerón, ondi arrepresentó Las etnas i Los persas.
El su ihu, Uforión, tamién hereó las dotis artísticas el pairi.
Murió, sigún la traición, dun tortugazu ena cabeça: un ἀετός —abantu— ehó cael el caparaçón duna tortuga sobri la su mollera tomándula cumu piera (Esquilu tinia fama de sel carvu) pa partilu. Amás, sigún se relata, esta muerti hue predizia pol oráculu, que l’ihu qu "un proyeutil el cielu lo mataria": οὐράνιόν σε βέλος κατακτανεῖ.
[eital] Esquilu, primel tráhicu
Hue el primel pueta consierau cumu tráhicu, anque tuvió preceentis cumu Arión u Tespi a los que se les atribui la criación d’elimentus própius la trahédia cumu las máscaras, el hatu, el escenáriu elevau, la ῥέσις u diálogu presonahis, el primel atol, ec.
Nu estanti, con él encetan los elimentus pa l’almiración los espetaoris cumu las pinturas, las imahin, las trompetas, la maquinária escénica, las tumbas, los artaris, el tipu de carcihu elevau —κοθόρνοι—, la simbolohia los elimentus qu’estaban huera el disculsu, ec. Se l’atribui amás la entroución en escena del segundu atol i es duosu si tamién a él del terceru.
[eital] Estilu
El su estilu es elevau i oraculal, anque es chanu en tantu que está fartu d’elimentus retólicus. Esquilu hue famosu pol gastal un lenguahi con mucha bambolla, soleni i mu artificial, cosa que lograba pol mé la criación de parabras compuestas que son verdaerus hapax ena literatura griega.
[eital] Obras
Namás se conselvan 7, cuyas Prometeu es de duosa autoria.
- Los persas.
- Los sieti contra Teba.
- Las supricantis.
- Agamenón.
- Las Coéforas.
- Las Uménidis.
- Prometeu encaenau.
[eital] Bibliografia
- Esquilo, Tragedias: Persas. Siete contra Tebas. Suplicantes. Agamenón. Coéforas. Euménides. Prometeo, Editorial Gredos: Madril, 2002. ISBN 842491046X.
