Carretera e hielu
Dendi Güiquipeya
Las carreteras hielu, al igual que las carreteras convencionalis, son infrastruturas destinás a la comunicación i trasporti terrestri, peru pol vezi de sel d'asfaltu, grava, holmigón u algotru material, son de hielu i nievi.
La huerça destas carreteras s'alcuentran pal norti Canadá i namás se puei aceel a ellas enas epocas mas frias el añu. Se costruin sobri lagus, u sobri la mari, sirviendu pa conetal islas chiquininas i minas asiahás nel oceanu. Quandu las temperaturas son inferioris a -50ºC, los lagus i parti la mari se quean enconhelaus, i la nievi caia holma una supifícii que comunica estus puntus. Antañu se gastaban trineus tiraus pol perrus, mas tardi pol bulldozers con una pala quitanievis i agañu s'apreparan las carreteras con máquinas quitanievis especialmenti apreparás pa que puea cerculal cualisquiá carrucha convencional. La prencipal motivación pa gastal estas perigrosas vias de comunicacion es pa reucil los costis d'envial i alcibil conduchu a estas islas.
Las carreteras de hielu nesezitan dun cudiau especial, huendu mestel tratalas pa que sea possibri el cerculaeru los vículus. Amás, el cerculaeru sobri ellas es especialmenti compricau i es hechu pol professionalis especializaus, ya que platicamenti no se puei fresnal duranti tol trayeutu, ni superal detelminaus parametrus. Es mestel analizal continuamenti el hielu pa detelminal quál es la capaciá carga, supiendu estu, se podrá sabel el pesu máisimu, la velociá máisima i el longol ménimu que la infrestrutura ebi tenel pa suportal el tráficu.
La carretera hielu mas larga tiin un longol de 568 qm i va dendi Tibbit hata Contwoyto; el 85% el recorriu se hazi sobri lagus helaus.
[eital] Atihus
- Reportahi en Nevasport
- diavik (en ingrés)
- thedieselgypsy (en ingrés)
- nunalogistics (en ingrés)
- rtl (en ingrés)
- Government of NWT-Ice Roads/Bridges (en inglés)
- Government of NWT Highway Condition Reports (en ingrés)