Güiquipeya:Bienviniu
Dendi Güiquipeya
Continius |
[eital] Bienviniu a la Güiquipeya
Bienviniu a la Güiquipeya! La velsión en estremeñu esminció el 24 d'Eneru e 2007, ya tenemus unus 300 artículus, i si mos hechas una manu, la enciclopeya libri crecerá una tupa mas liheru.
[eital] Lo cúmu se hazin los artículus?
Esta enciclopeya e propósito heneral está siendu costruia pol henti cumu tú i cumu yo. Nesti mesmu inti, seguramenti alguien estará eitandu u escrebiendu angún artículu. Nu es mestel sel un usuáriu rustrau pa esmincial a contribuil, peru si lo eris, te sedrá mas fácil integralti ena comuniá.
Pueis navegal pola Güiquipeya i labutal en tolas páhinas que quieras; solu tiinis que seguil el enlaci "eital" que está ena parti superiol de tolos artículus (incluiu esti). Pueis esperimental ena zona e prebas. Si estás con musotrus, siguru que te aficionarás a la páhina e chambus recientis. Pueis (i ebis) sel valienti eitandu, ya que abondus artículus s´an costruiu gracias a pequeñas contribucionis de distintas presonas.
[eital] Los cincu pilaris hundamentalis la Güiquipeya
Ai cincu puntus hundamentalis que ebis tenel siempri mu en cuenta enus tus artículus i eicionis:
* Estu es una enciclopeya, i tolos eshuerzus ebin dil en esa direción.
* Ebemus sel neutralis cuandu escrebamus argu.
* El ohetivu es costruil una enciclopeya e caltiniu libri, asínque nu se permiti en dengún chascu material con derechus d´autol (copyrights) sin el permisu correspondienti el autol.
* Wikipedia sigui unas normas d´etiqueta que ebin respetalsi.
* Ebis sel valienti eitandu páhinas, inque siempri gastandu el sentiu cumún.
Pueis completal esta enhormación leyendu Los cincu pilaris la Güiquipeya.
[eital] Comportamientu
Amás d´esu, s´aspera que los contribuyentis se comportin de horma cevilidá i que las discusiones que se puean proucilsi enas páhinas de discusión de cá artículu tengan el propósitu e mehoral el artículu, nu tratal d´imponel ciertus puntus de vista.
Trata e tenel güena ortografía, ya que es argu crucial nel momentu d´una consulta; las presonas cumu tú i cumu yo neseditamus testus de güena caliá.
Comportamientu ena Güiquipeya
* Güiquipetiqueta
* Neutraliá
* Evital marrus frecuentis
[eital] El huturu
Es posibri que piensis que la Güiquipeya acabihará siendu un produtu e baha caliá, ya que es un proyetu abiertu a tol mundu. Peru quiciás es precisamenti el hechu e que esté abiertu a tol mundu lo que hazi que una tupa artículus seyan bastanti güenus, i los convierti en material en costanti pogresu. Tendemus a apuntal pal mas artu cumún denominaol (denominaoris "mas bahus" tiendin respetuosamenti a nu tocal los artículus sobri los que nu tiinin conocencia). Ai aquí labutandu licenciaus, estuyantis i otras presonas con mucha conocencia i tolos colaboraoris son bienvinius.