Audrey Tautou
Dendi Güiquipeya
Audrey Tautou, atrís francesa, coñocia prencipalmenti pol bel siu la protagonista la pinicla Le fabuleux destin d’Amelie Poulain.
Continius |
[eital] Via
Audrey tuvió nacéncia el 9 Agostu 1976 en Beaumont, peru creció en Montluçon. Su pairi es dientista i su mairi maestra. Tiin un helmanu i dos helmanas.
Dendi chiquina l’enteressó el atuaeru, polo que s’enlió a hazel un culsu d’arti dramáticu ena escuela Corus Florent, culsu que entrevolaba colos estuyus de Literatura Francesa.
En 1999 feguró ena la pinicla Vénus beauté cola que hue nominá pal Prémiu Cesa a la mehol atrís revelación. Al sotru añu ganó el Prix Suzanne-Bianchetti pol sel l'atrís nueva mas prometeora el parorama francés.
Nel 2001 hizu el papel prencipal la pinicla de Jean-Pierre Jeneut Le fabuleux destin d’Amélie Poulain, obra que l’ofreció nombradia nel andal entrenacional. Nel siguienti añu hizu un pequeñu papel ena murticurtural pinicla L’auberge espagnole cumu Martine.
Nel 2004, otra vezi embahu la direción de Jean-Pierre Jeneut, quien llevó a la escena cinematugráfica la novela de Sebastien Japrisot, Audrey protagoniza Un long dimanche de fiançailles. Le mereció tamién el nominaeru pal Prémiu Cesa a la mehol atrís.
Cumu la su primel garnacha holivudiensi, l’artista francesa representó nel 2005 a Sophie Neveu ena pinicla The Da Vinci code hunta el estaunidensi Tom Hanks.
[eital] Prémius
[eital] Ganaus
- 1998. Jeunes Premiers de Canal +. Cannes de Talentos.
- 2000. Lumière de Paris i Prémiu Cesa pol Vénus beauté. Prémiu Suzanne-Bianchetti.
- 2001. Trofeu Chopard/Studio Magazine las revelacionis.
- 2002. Lumière a la mehol atrís.
[eital] Nominaerus
- 2002. Prémiu Cesa a la mehol atrís pol Le fabuleux destin d’aAmélie Poulain.
- 2005. Prémiu Cesa a la mehol atrís pol Un long dimanche de fiançailles.
[eital] Filmugrafia
- Coco avant Chanel (2008). En apreparaeru.
- Ensemble, c’est tout (2007).
- Hors de prix (2006).
- The Da Vinci Code (2006).
- Les poupées russes (2005).
- Un long dimanche de fiançailles (2004).
- Nowhere to go but up (2003).
- Pas sur la bouche (2003).
- Happy end (2002).
- Dirty pretty things (2002).
- Les marins perdus (2001).
- L’auberge espagnole (2001).
- À la folie… pas du tout (2001).
- Dieu est grand, je suis tout petite (2001).
- Le fabuleux destin d’Amélie Poulain (2001).
- Le battement d’ailes du papillon (2000).
- Le libertin (1999).
- Voyous voyelles (1999).
- Épouse-moi (1999).
- Triste à mourir (1999). Cortumetrahi.
- Vénus beauté (1999).
- La vieille barrière (1998). Cortumetrahi.
[eital] Atihus
- Audrey Tautou Fansite Web en ingrés.
- Filmugrafia de Audrey Tautou en IMDB Web en ingrés.
