Real Academia Galega
Wikipedia(e)tik
Real Academia Galega izeneko erakundea galizieraren gramatikaz, ortografiaz eta lexikoaz arduratzen den instituzio ofiziala da. Arautze lanetaz gain, Dia das Letras Galegas antolazten du urtero, galizieradun nabarmenak omentzeko helburuaz.
Hala ere, AGAL (Associaçom Galega da Língua) elkarteak, beste batzuen artean, portugesarekiko batasuna defendatzen du, eta bestelako arauak proposatzen ditu.
[aldatu] Historia
- 1906ko irailaren 30ean sortu zuten. Manuel Murguia lehenengo presidente izan zen 1923 arte, tarte hartan guztian Rosalia de Castro goraipatuz. Sorrera baino lehen, esan behar da Emilia Pardo Bazan izan zela aitzindari nagusietakoa.
- 1926tik 1934 arte Castelao izan zen kideetako bat.
- 1942etik 1977ra, erakundeak ia klandestinitatean ibili behar izan zuen, Francoren diktadura dela eta. Garai hartan, Manuel Casás Fernández (1960 arte) eta Sebastián Martínez Risco y Macías izan ziren presidenteak.
- 1982an akordioa lortu zuten arautze lanetan, "Normas ortográficas e morfolóxicas do idioma galego" kaleratuz.
- 2003an aurreko arauak berrikusi zituzten.
