Muskilda
Wikipedia(e)tik
Muskilda Nafarroako mendia da (1.070 m), Otsagabiako iparraldean dagoena, bai eta bertan dagoen izen bereko baseliza ederra ere.
[aldatu] Baseliza
Goialdean, Muskildako baseliza dago kokatuta, XIII. mendean hasitakoa erromaniko berantiarraren estiloan. Oinplano laukizuzenekoa da eta dorreko teilatua kono itxurakoa. Eraikin multzoa baselizak, kaperau etxeak eta eremutar etxeak osatzen dute, harresi batek inguratuak.
Baselizaren barruan, Muskildako Andra Mariren egurrezko irudia dago, beharbada XII. mendekoa dena. Honen ohorez, irailaren 17an festa ospatzen dute. Halaber, emakume nafar batzuk izen honekin bataiatuta daude, batik bat eskualdekoak.