Molekula
Wikipedia(e)tik
Kimikan, molekula deitzen zaio lotura kimiko sendoen bidez antolamendu definitua osatuz elkarrekin lotuta dauden bi atomo edo gehiagoz osatuta dagoen, elektrikoki neutroa den eta aski egonkorra den atomo-multzoari.[1][2] Kimika organikoan eta biokimikan, molekula terminoak ez dauka esanahi hain hertsia, eta askotan molekula organiko kargatuei eta biomolekulei ere aplikatzen zaie. Zentzu hertsian, molekulak eta ioi poliatomikoak bereiztu egiten dira.
Molekularen egitura hobeto ezagutu ahala, definizio hau aldatzen joan da. Aurreko definizioak zehazgabeagoak ziren: substantzia kimikoen konposizio eta propietate kimikoak atxikitzen zituen partikularik txikienatzat hartzen zen molekula.[3] Definizio hau sarritan ez zen betetzen, eguneroko substantzia asko (esaterako, hainbat arroka, gatz edo metal), ez baitaude molekulaz eginak.
Gasen teoria zinetikoan, molekula terminoa edozein gas-partikuletarako erabiltzen da, bere osaera kontuan hartu gabe.[4] Definizio honek badauka desabantaila bat: gas nobleak ere molekulak izango lirateke, loturarik gabeko atomo bakunez osatuta baitaude.*
[aldatu] Ikus, gainera
[aldatu] Erreferentziak
- ↑ IUPAC
- ↑ Pauling, Linus (1970). General Chemistry, New York: Dover Publications, Inc.. ISBN 0-486-65622-5.
Ebbin, Darrell, D. (1990). General Chemistry, 3th Ed., Boston: Houghton Mifflin Co.. ISBN 0-395-43302-9.
Brown, T.L. (2003). Chemistry – the Central Science, 9th Ed., New Jersey: Prentice Hall. ISBN 0-13-066997-0.
Chang, Raymond (1998). Chemistry, 6th Ed., New York: McGraw Hill. ISBN 0-07-115221-0.
Zumdahl, Steven S. (1997). Chemistry, 4th ed., Boston: Houghton Mifflin. ISBN 0-669-41794-7. - ↑ Molekularen definizioa (Frostburg State University)
- ↑ Ikus [1]
