Wikipedia:Maiz egindako galdera orokorrak
Wikipedia(e)tik
Laguntza orri honetan wikipediari buruz maiz egiten diren galdera orokorrenak irakur ditzakezu.
[aldatu] Zer da Wikipedia?
Sakontzeko, irakurri: Wikipedia
Wikipedia, edonork editatu dezakeen entziklopedia askea da. Jimmy Wales, Wikipediaren sortzaileetako baten hitzetan:
| Entziklopedia bat hizkuntza anitzetan sortu eta zabaltzeko ekimena, ahalik eta kalitate gorenenekoa, planetako pertsona ororentzat, beraien hizkuntza edozen dela ere. |
Guztioi jakinduria eskaintzeko dago Wikipedia.
[aldatu] Norena da Wikipedia?
Wikipedia Wikimedia Fundazioak zuzentzen du. Honek, beste proiektu batzuk ere zuzentzen ditu Wikipediaz gain; Wikiztegia, Wikiliburuak... Lehen, zerbitzariaren eta domeinu izenaren jabea Bomis, Inc. zen. Konpainia honen gehiengo partea Jimmy Walesena da, webgunearen kostuen zati bat ordaintzen duena. Webgunea bera, wikilari komunitate batek zuzentzen du, bost zutabeak oinarri bezala hartuta.
Artikuluak GNU Free Documentation License (Dokumentazio Librearen Lizentzia) azpian argitaratzen dira. Honek zera esan nahi du: lizentzia mantenduz edozein aldaketa egin daitekeela beraietan.
[aldatu] Nor da Wikipediaren artikuluen arduraduna?
Ezin konta daiteke zenbat jendek parte hartu duen ekimen honek dituen zati guztietan. Edozeinek egin dezake. Zuk ere bai! Jakin behar duzun gauza bakarra da, orri bat nola aldatzen den. Ona litzateke, baita ere, aldez aurretik zertaz idatzi nahi duzun jakitea.
Zauden orrialdearen egilea nor den jakin daiteke. Horretarako, eragiozu historia fitxari. Akats bat ikusiz gero, izan kemena orrialdea aldatzeko. Gezurra dirudien arren, guzti honek funtzionatzen du.
Baina ziur ez bazaude edo testuari korapilatsu iritziz gero, egizu aipamen bat orri horri dagokion eztabaidan, edo utz ezazu galdera bat orri horretan, hurrengo irakurlearentzat. Honek akatsak konpontzen laguntzen du eta asko eskertuko dizugu guztiok.
[aldatu] Nola kontaktatu dezaket proiektuarekin?
Ez daukagu helbide elektroniko jakin bat bakarrik, proiektuaren hedadura handia baita. Posta zerrenda luzea da eta meta:mailing list orrian ikus dezakezu. Wikimedia Fundazioaren posta zerrenda ere existitzen da eta Meta-Wiki, proiektuen arteko koordinaziorako. Jendaurrean komunikatzea nahi ez baduzu, board@wikimedia.org da fundazioko zuzendariekin kontaktatzeko tokia.
Honez gain, erabiltzaile bakoitzak bere eztabaida orria dauka, baita artikulu bakoitzak ere.
[aldatu] Kontu bat sortu beharko nuke? Ezin ditut aldatu artikuluak anonimo bezala?
Kontua duten lankideak abantaila batzuk dituzte. Gainera ezezagun bezala laguntzerakoan, baliteke zailagoa izatea harremanetan jartzea galdetzeko edo zerbait proposatzeko.
Dena den, nahiago baduzu anonimo bezala egitea ekarpenak aurrera; azken finean, ekarpenak dira garrantzitsuenak.
[aldatu] Zer da wiki bat?
Sakontzeko, irakurri: Wiki
Wikiwiki elkarrekiko loturak dauzkaten orri bilduma bat da. Edozein orri ikus eta alda daiteke edozein unetan (sofware kolaboratiboa deritzonaren barruan koka daiteke). Ward Cunninghamek ideia eta softwarea sortu zituen. Zuk ere irakurtzen ari zaren orrialdea alda dezakezu. Horretarako, sakatu aldatu fitxan. Ikus Wikipedia:Artikuluak nola aldatzen diren laguntza orria gehiago jakiteko.
[aldatu] Zeintzuk dira Wikipediaren asmoak?
Wikipediaren helburua, gure helburua, dohaineko entziklopedia bat egitea da; alegia, historiako entziklopediarik handiena, freskotasunari eta zabalerari dagokionean behintzat. Wikipedia iturri fidagarria izatea nahiko genuke eta horretarako zure laguntza behar dugu. Badakigu ez dela etorkizun hurbil batean lortuko hau.
[aldatu] Zein euskalki erabili behar da?
Euskal Wikipedia honetan euskara batua erabiltzen saiatzen gara, euskaldun guztiek ulertzea baita gure nahia. Hala ere, informazio gehigarri bezala edo hitz zehatz batzuk hobeto azaltzeko euskalkiak erabiltzea egokia izan daiteke.
[aldatu] Nola igotzen dira irudiak?
Sakontzeko, irakurri: Wikipedia:Irudiak nola igo
Wikipediako irudi guztiak Wikimedia Commons proiektura igo behar dira. Horretarako, lehenik eta behin bertan izena eman beharra dago. Copyrightdun irudiak ezin direla igo kontutan izan beharra dago.
