Johann Sebastian Bach
Wikipedia(e)tik
- Bach orrialdeak hona dakar, esanahi ezberdinentzako ikus Bach (argipena)
 |
||
| Datu pertsonalak | ||
|---|---|---|
| Jaiotza data | 1685eko martxoaren 21a | |
| Eisenach, Turingia (Alemania) | ||
| Heriotza data | 1750eko uztailaren 28a | |
| Leipzig, Saxonia (Alemania) | ||
Johann Sebastian Bach (1685eko martxoaren 21a - 1750eko uztailaren 28a) Aro barrokoko konpositore eta organista alemaniarra izan zen, historian izan den musikari familia onenetariko baten kidea.
Inoiz izan den konpositore handienetariko bat bezala hartzen da askotan; ez bere lanen edertasunagatik bakarrik, baira kopuruagatik ere. Hortaz, inspirazio iturri bihurtu da hainbat musikarirentzat, hasi Mozartetik Schoenbergera.
Lanik garrantzitsuenen artean aipatzekoak dira "Matthäuspassion", "Brandeburgoko kontzertuak", "Fugaren artea", "Ongi tenperatutako klabea", "Meza si menorrean", besteak beste.
Eduki-taula |
[aldatu] Bere bizitza
[aldatu] Lehen urteak (1685-1703)
Eisenachen (Turingia, Alemania) jaio zen 1685ko martxoaren 21ean (Scarlattiren eta Haendelen urte berdinean) familia batean zeinek zazpi belaunalditan 52 musiko garrantzitsu eman baitzituen. Bachen ama berak 9 urte bakarrik zituela hil zen. Urte bat beranduago bere aita Johann Ambrosius Bach (1645-1695) hil zen, hirian musikagilea zen eta berarekin ikasi zuen musika. Bach gaztea bere anai nagusiarekin, Johann Christoph Bach (1670-1722), bera baino 16 urte zaharragoa, joan zen bizitzera eta ikastera, garai horretan Ohrdruffeko organista zena. Berarengandik ikasi zuen organoa jotzen eta konposatzen. 1700ean, San Miguel elizako koroan hasi zen lanean koroko kide bezala, Lüneburgen.
[aldatu] Mullhausen (1703-1708)
1703an, hamazortzi urterekin, Johann Ernst Weimareko printzearen ganbera-orkestrako biolin-jole aritzea lortu zuen eta, ondoren, Arnstadten organo-jole lanpostua eskuratu zuen instrumentuan zuen maisutasuna zela eta. Lau urte geroago Müllhausenera lekualdatu zen, eta bertan, beste lehengusina zuen Maria Barbara Bachekin (1684-1720) ezkondu eta San Blas elizan organo-jole aritu zen lanean.
Garai honetako lanak:
- Cantata BWV 131
- Sonata BWV 964
- Fuga BWV 572
[aldatu] Weimar (1708-1717)
Urte bat geroago bakarrik, 1708an, gorteko organista izendatu zuten eta 1714an orkestrako zuzendaria Wilhelm Ernst dukearen gortean, Weimar-en.
Garai honetako lan batzuk:
- Klabezinerako kontzertuak BWV 972-987
- 30 kantata inguru, baita hileta-elizkizuneko kantata ezaguna ere barne Gottes Zeit ist die allerbeste Zeit (c. 1707), gainera, organo eta klabezinerako lanak konposatu zituen.
[aldatu] Cothen (1717-1723)
1717tik 1723ra Bach kaperako maisu eta ganbera-musika zuzendaria izan zen Leopold de Anhalt-Köthen printzearen gortean. 1720. urtean lehen emaztea hil zitzaion eta urte bat geroago berriro ezkondu zen, oraingo honetan Anna Magdalena Wilcke (1701-1760) abeslariarekin.
