Diego Porcelos
Wikipedia(e)tik
Diego Rodriguez, Diego Rodriguez Porcelos edo Diego Porcelos bezala ezagunagoa, Rodrigo bere aita hil ondoren, Gaztelako kondea izan zen, 873. urtetik 885era arte.
Ubierna eta Burgosen birpopulatzailea izan zen, Alfontso III.a erregearen aginduz.
Arabiar armada handi bati aurre egin zion, Ebro haraneko muga indartuz, Pancorboko bere egoitza nagusitik, eta babes lerro bat sortu zuen Arlanzon ibaian. Gainera, bere gobernualdian, itxuraz, Okako gotzaitegiaren egoitza berritu zen, edo, behintzat, aktibitatea agertzen da.
Bere aitak ez bezala, ez zuen Arabako konderria gobernatzen, konderri honen gobernua Vela Jiménezen eskuetan aurkitzen bait zen
Kronika historikoak, ez dira ados jartzen Diego Porcelosen heriotza data eta tokiari dagokienez. Aukerarik gehiena dituen data, 885. urtea da. Kronika batzuek, hil zen tokia, Burgosko Cornudilla herrian kokatzen dute, beste batzuek, bere gorpua, San Felices de Ocako ermitaren hondakinetan lurperatua dagoela esaten duten bitartean, oraingo Villafranca Montes de Oca herrian.
Bere omenezko zaldigaineiko monumentu bat aurkitzen da Burgosko San Juango Enparantzan, Juan de Ávalosek egina. Baita beste estatua bat ere, Burgosko Santa Mariaren Arkuan.
Diego hil ondoren, Gaztelako konderria hainbat konderritan banatzen da 885 eta 931 urteen artean. Hemendik aurrera, konderri guzti hauek, Fernan Gonzalez kondeak batzen ditu berriz ere bakar batean.
