Burgamendi
Wikipedia(e)tik
Burgamendi Elgea mendilerroko mendi bat da, mendilerro honen ekialdeko muturrean dagoena. Mendebaldean, Usabakotxenako pasabidea du, eta ekialdean, San Juango pasabidea. Bien artean dago Burgamendi. Bere garaiera, 1.081 metrokoa da. Araba eta Gipuzkoako mugan bertan dago, Oñati eta Barrundia artean.
[aldatu] Irispideak
Araotzetik edo Larreatik hel daiteke. Bigarren kasu honetan, eliza ondotik abiatu behar da, hasieran, lehenengo metroetan, asfaltatua dagoen bide batetatik. Larrakola txabolara heltzeko handik gutxira, eta, berehala, Usabakotxena lepora, nahastezina, bertan dauden tentsio altuko elekttraindar posteengatik. Eskuinetik, lehenengo muinoa Mirubixkar da, baina, hurrengo leporaino jarraituz gero, Burgamendiraino hel daiteke
Hermuatik, Larreatik doan bidearekin bat egin daiteke Abeletxeak izeneko Hermuako txabolen bidez. Arabatik igotzeko beste bide bat Aspurutik doa, Askaizto labarretik San Juan edo Portuzarrako pasabidera irteteko. Hemendik gertu, mendiaren alde gipuzkoarrean, Katilluiturriko iturria dago.
[aldatu] Berezitasunak
Mendi honen tontorrean, postontzi bat eta hiru mugarri daude. Postontziak, gainaldean, gurutze bat du eta zirkulu batekin inguratuta dago.
