Aizkorri
Wikipedia(e)tik
|
||||
---|---|---|---|---|
Aratz borda, atzean Aizkorri duela |
||||
Garaiera | 1.528 m | |||
Koordenatuak | Koordenatuak: | |||
Mendilerroa | Aizkorriko mendilerroa | |||
Ohiko bidea | Otzaurtetik, Arantzazutik eta Zegamatik | |||
Aizkorri Gipuzkoako mendia da, Arabako mugatik hurbil kokaturik, 1.528 metro garai dena.
Hala ere, ez da mendilerroko garaiena, Atxuri baita, 1.551 metrorekin. Bere haitzezko talaia batean kokatua duen baselizarengatik da ezagunagoa Aizkorri Atxuri baino. Baseliza honetan, gurutze bati otoitzen zaio, non gurutze hau Zegamara edo Araiara eramaten bazen ere, beti Azkorrin agertzen zen.
Eduki-taula |
[aldatu] Deskribapena
Aizkorriko mendilerroaren mendia da Aizkorri, 2006 urtetik natura parke dena. Atxuri, Aketegi, Aitzabal, Arbelaitz eta Iraulerekin batera. Hegoaldeko isurialdean Urbiako landak ditu, 1.000 metroko altuerarekin. Harana, ekialdetik mendebaldera zabaltzen da, Arantzazutik San Adrianera. Urbiako landetan hainbat monumentu megalitiko aurki daitezke. Kareharrizko harkaitz, pago eta arantzen artean, Ardi latxen artaldeak ugariak dira. Artzaiak, bordetan babesten dira.
[aldatu] Ibaien sorlekua
Bertan jaiotzen dira iparralderuntz doazen Oria, Urola eta Arantzazu ibaiak; baita Burunda eta Zadorra ere, hauek hego-ekialdera isurtzen dira.
[aldatu] Abiapuntuak
Bertara igotzeko biderik ohikoenak Otzaurtetik, Arantzazutik eta Zegamatik abiatzen dira. Arantzazutik abiatuta Urbiako bordara hel daiteke eta hortik tontorreraino iritsi. Arabaldetik, Zalduondoedo Araia dugu abiapunturik ohikoena.
[aldatu] Igarotze-denborak
- Arantzazutik (2h 30 m).
- Otzaurtetik (2h 45 m).
- Araiatik (3h 45 m).
[aldatu] Kirol probak
Maiatzaren amaieran Zegama-Aizkorri Mendi Maratoia ospatzen da, Munduko Koparentzat puntuagarri dena.