Aitor Gorosabel
Wikipedia(e)tik
Aitor Gorosabel Garai (Eibar, Gipuzkoa, 1970eko otsailaren 2a - ) Su Ta Gar taldeko gitarrajole solista, kantari eta konpositore nagusia da.
[aldatu] Biografia
Lau senideetatik hirugarrena da. Bera Eibarren jaio zen 1970eko otsailaren 2an, familia euskaldun batean. Bere anaia-arreba guztiek dute loturarik musika munduarekin. Bere bi arrebak, Aintzira eta Amaia musika irakasleak dira, eta bere anaia nagusia Mikel "Norton" E.H Sukarra taldeko kantaria eta gitarrista da.
Aitor lauzpabost urterekin hasi zen pianoa jotzen bere anaia-arrebekin batera eta OHO-ko lehenengo hiru urtetan solfeo eta piano ikasketak egin zituen. Horrez gain Euskal Herriko Unibertsitatean publizitatea ikasiko zuen.
12 urterekin gitarra klasikoa hartu zuen eta "Norton" imitatuz ikasteari ekin zion. Jotzen zituen lehengo kantuak punk abestiak izango ziren. Baina 16 urterekin Heavy Metala ezagutu zuen Accept talde alemaniarraren abesti bat entzunda, eta honekin batera gitarra elektrikoarekin hasiko zen autodidakta gisa.
1987an, ikastolako ezagunak zituen Xabier Bastida, Asier Osoro eta Borxa Arrilagarekin elkartu eta denen artean Su Ta Gar taldea osatu zuten.
Gaur egun taldearekin zortzi estudioko diska kaleratu ditu, zuzeneko diskarekin batera. Atera duten azken lanak Jainko hilen uhartean du izena eta 2006an ateratakoa da.
Honez gain talde askorekin kolaborazio ugari egin ditu, esate baterako, Koma, Idi bihotz eta Legen Beltza bezalakoekin.
