Amikeca Reto
El Vikipedio
La Amikeca Reto estas listo de homoj ĉirkaŭ la mondo kiu ne necese volas gastigi aliajn esperantistojn, sed volas kunlabori kaj interŝanĝi ideojn kun aliaj tutmonde.
Ĝi similas al Pasporta Servo, sed pli emfazas la kulturan kaj edukan valoron de vizitoj, ĉar gastigantoj volonte diskutos aferojn kaj aranĝos vizitojn al laborejoj, kluboj, asocioj, ktp kaj ĝenerale enkondukos vizitanto al sia vivmaniero.
Ĝi kreiĝis en 1987 dum la jara kongreso de la Sennacieca Asocio Tutmonda en Bulonjo ĉe Maro. Ĝi estas neprofita organizo sub la ĝenerala rego de SAT.
Ĝi eldonas manlibron kiu daŭre kreskas. La plej lasta eldono inkluzivas pli ol 400 adresojn de 40 landoj. La manlibroj ankaŭ povas esti uzataj por trovi plumamikojn kaj kunlaborantojn por diversaj projektoj, kaj ankaŭ por trovi partnerojn por interŝanĝoj.
La lasta eldono de la nomaro estis en la jaro 2002. Ŝajnas, ke eble aŭ la nomaro ne plu estas subtenata aŭ la retpaĝaro ne plu estas subtenata.
[redakti] Eksteraj ligiloj
http://www.creaweb.fr/a.reto/ Oficiala retejo- http://www.satesperanto.org SAT
