Abe Shinzo
El Vikipedio
ABE Shinzō (japane: 安倍 晋三, [abe ŝinzō]) (21-an de septembro 1954 -) estas japana politikisto kaj iama (2007) ĉefministro el unu de la politike plej gravaj familioj de la lando. Li estis elektita ĝenerala sekretario de Liberala Demokrata Partio (LDP) la 20-an de septembro 2006.
La patrinflanka avo de Abe Shinzo estas Kishi Nobusuke, 56-a kaj 57-a ĉefministro de Japanio. La patro de Abe Shinzo estas Abe Shintaro, eksa ministro pri eksterlandaj aferoj kaj ĝenerala sekretario de LDP, la partio kiu regas Japanion ekde Dua mondmilito. Lia juna frato Kishi Nobuo estas konsilisto.
[redakti] Vivo
Abe Shinzo naskiĝis en Tokia Metropolo, li estis registrita en nomaron de Aburaja-urbeto, Ocu-distrikto de Jamaguĉi-prefektujo (nun Nagato-urbo). Li diplomiĝis pri la fako politiko de fakultato pri juro de Seikei-Universitato en marto de 1977. Li eniĝis ĉe Kobe Ŝtalo en aprilo de 1979. En 1982, li foriĝis el la entrepreno, kaj eklaboris kiel sekretario de sia patro Abe Shintaro. En 1993, li elektiĝis unue deputito.
En julio 2000, li instaliĝis Vicĉefa Sekretario de Kabineto sub Mori Yoshiro, kaj en aprilo 2001, li kontinue instaliĝis Vicĉefa Sekretario de Kabineto sub Koizumi Jun'ichiro. En septembro 2003, li instaliĝis Sekretario Ĝenerala de LDP. En septembro 2004, li instaliĝis anstataŭulo de Sekretario Ĝenerala de LDP kaj estro de instigo-centro de partia reformo. En oktobro 2005, li instaliĝis Ĉefa Sekretario de Kabineto sub Koizumi Jun'ichiro. En septembro, li elektiĝis estro de LDP.
Je 26-a de septembro 2006, li instaliĝis la 90-a Ĉefministro de Japanio kaj demisiis la oficon en septembro de 2007.
